Ardit Gjebrea: E mori nata…(teksti dhe kënga)

Ti ike, ike larg,
me natën ti ike,
mbi dallgë po binin gjethe të verdha.

Ti ike, ike larg,
mbi shpinën time si thikë binin takat,
dhe trupi u derdh u derdh në hekur,
vetëm ca pikla mbi buzë kishin mbetur.

E mori nata, e mori nata, përtej humnera,
mbi të po binin shirat e vjeshtës, gjethet e verdha

Dhe hëna, hëna pikë rëna,
mbeti pa gojë, memece si ndarje,
dora- dorën e kërkon
buza pa buzën, muranë që vetmon.

E mori nata, por jo harrimi, përtej humnera,
vjen dit’ e emrit, emrin e saj e mori era,
e pëshpërit emrin e saj pa fund.

Hapat e fundit,
të fundit puthje,
ka disa pluse,
disa minuse.

Puse mbi krye,
nën këmbë puse,
ka disa pluse,
disa minuse.


Ti ike me natën
dhe binin gjethet’e verdha.


Dhe ike, ike, ike larg,
mbi shpinën time si thikë binin takat,
dhe trupi u derdh, u derdh në hekur,
vetëm ca pikla mbi buzë kishin mbetur.