Frederik Rreshpja, poeti që vuajti 17 vjet burg në komunizëm

frederik rreshpja poezi per nenen

Muzeu Kombëtar “Shtëpia me gjethe” kujtoi, kohë më parë, poetin lirik, eseistin, publicistin dhe botuesin Frederik Rreshpja (19 korrik 1940-17 shkurt 2006). Pena e tij është ndër më përfaqësueset e vargut shqip.

Frederik Rreshpja u lind në Shkodër më 1940 në një familje me origjinë nga Dukagjini. Kreu në vendlindje shkollimin fillor dhe të mesëm pranë gjimnazit “29 Nëntori”. Studimet universitare i ndoqi pranë Pedagogjikut në Tiranë me korrespondencë.

Më 1967 iu botua vepra e parë letrare, përmbledhja me poezi “Rapsodi shqiptare”. Më 1975 vepra e tij u hoq nga qarkullimi me urdhrin e një qarkoreje të Ministrisë së Arsimit dhe Kulturës. U arrestua dhe u dënua “…si një person që paraqet rrezikshmëri shoqërore që synon në minimin, dobësimin dhe përmbysjen e pushtetit popullor…”.

Frederik Rreshpja vuajti 17 vjet burg. Pasi doli nga burgu, botoi vëllimet “Erdhi ora të vdes përsëri” – 1994, “Lirika të zgjedhura” – 1996, përmbledhje kjo që u shpall më e mira për vitin përkatës, si dhe vëllimin me poezi “Në vetmi” që u botua në vitin 2004, i cili i solli titullin “Poet i vitit 2004”. U përfshi në vëllimin “Historia e Letërsisë Shqiptare” e Robert Elsiet të 2003. Frederik Rreshpja përfaqësohet me disa poezi në “Antologjinë e poezisë shqiptare” të Aleksandër Zotos (1998) dhe në “Antologjinë e poezisë shqipe”.

Frederik Rreshpja jetonte në Tiranë, i vetëm. Vdiq më 17 shkurt 2006 në Shkodër, nga një sëmundje e zemrës, i rrethuar nga vëllezërit dhe familja e gjerë dhe u varros më 18 shkurt, në varrezat katolike “Rrëmaj” të Shkodrës./ATSH

ishim frederik rreshpja

ObserverKult


Lexo edhe:

LIRIKË PIKËLLIMI PËR TË BIRIN E NDJERË NGA ALI PODRIMJA: LUM LUMI

A thua është dita jote e fundit në spital
do t’i biem deri në fund a thua
edhe kësaj dite të lodhur në orën e familjes.

Nuk të kam sharë as nuk të kam rënë kurrë
vetëm të kam thënë; Ai në hapsirë atje larg jam Unë.

Në jetë, në art vrasësit më të mëdhenj janë frikacakët.
Mjeshtëria e tyre; gjuajtja në gabime, dhelpëria…

Poezinë e plotë e gjeni KËTU