Mora vendimin
t’i bie qark botës me
biçikletën e lirisë
në po të njëjtën mënyrë, ashtu, ilegale.
që ndjek era kur udhëton.
Në rast se më pyesin
për adresën time
ua kam dhënë adresat e të gjitha trotuareve,
të cilat i përzgjodha si vende të përhershme të
qëndrimit tim.
Nëse më pyesin për
letërnjoftimet e mia unë ua tregoj sytë e tu, e dashura
ime,
dhe kësisoj ata më lejojnë të kaloj.
Pasi ata e dinë se të udhëtosh
në qytetet e syve të tu
është e drejta e të gjithë
banorëve të botës.
***
Tek më vjen për vizitë
me tesha të reja
unë ndjej atë çfarë ndjen një kopshtar
tek i lulëzon pema.
***
Dëshiroj të ngjitem me ty
Qoftë edhe njëherë të vetme
Në trenin e çmendurisë
Trenin që i harron
emrat e udhëtarëve të tij
Dëshiroj që ta veshësh
qoftë edhe njëherë të vetme
pardesynë e shiut
Dhe të më takosh në stacionin e marrëzisë.
***
Oh! Sikur të liroheshe vetëm një ditë
nga instinkti i lepurit,
dhe ta kuptoje
që unë s’jam gjahtari yt,
por dashuruesi.
Përktheu: Agron Islami
ObserverKult
Lexo edhe:
NIZAR QABBANI: PLAGË ME DY KËMBË KAM MBETUR
Poeti sirian Nizar Qabbani, gjatë qëndrimit në Bagdad vitin 1962, u ftua të recitojë disa nga poezitë e tij gjatë festivalit të poezisë arabe.
Teksa recitonte poezitë e tij, poetit i shkojnë sytë tek një vajzë irakiene tek të njëzetat, bukuria e të cilës e dehu. Sytë e tyre u takuan disa herë, për t’ia lënë vendin zemrave më pas. Pas prezantimit të poezive të tij, Nizar Qabbani pyeti për të dhe ia mësoi dhe emrin, Belkis Ravi dhe i gjeti edhe adresën. Ajo jetonte me familjen në lagjen Adhamija, në një vilë luksoze, me pamje nga lumi Tigris.
Vajti dhe kërkoi dorën e saj, por tradita arabe sipas të cilës familja e refuzon fejesën e vajzës me djemtë që kanë flirtuar me të, bëri që i ati ta refuzojë.
Tekstin e plotë mund ta lexoni KËTU:
ObserverKult
