Unë jam 38 vjeç, ende beqare, dhe kam qenë beqare…
Nga Justin Brown
Megjithatë, si një e rritur që zgjedh të jetë beqare – dhe po kënaqet me beqarinë – ndiej presion të vazhdueshëm për të justifikuar zgjedhjen time. Presioni vjen nga takimet e para apo të dytat kur diskutimi zhvendoset në mënyrë të pashmangshme në një ekzaminim të asaj se përse e kam zgjedhur rrugën në të cilën jam.
Presioni vjen nga prindërit e mi të cilët gjendjen time si beqare e shohin si pëngesën kryesore për ta që më në fund të bëhen gjyshër. Presioni vjen nga miq që janë rehatuar dhe pyesin nëse vërtet dua të rri beqare gjithmonë.
Përballë gjithë këtij presioni, disa pyetje më vijnë në mendje:
Pse jam unë ajo që duhet të justifikoj dëshirën time për të qenë beqare?
A është normale që marrëdhëniet romantike dhe martesën t’i shohim si një lloj “suksesi”?
A nuk duhet të gjykojmë me kaq kritikë edhe dëshirën për të qenë në një lidhje sikurse dëshirën për të qenë beqare?
Unë mendoj se ka një presion të madh shoqëror mbi njerëzit beqarë. Presion për të ndryshuar statusin e marrëdhënies së tyre. Rezultati i këtij presioni bënë shumë njerëz të përfundojnë në marrëdhënie bazuar në pritjet që janë të vështira për tu realizuar.
Deri në fund të këtij shkrimi, shpresoj se do të ua mbush mendjen se nuk ka asgjë të turpshme të zgjedhësh të mbetesh beqar, ashtu siç nuk ka turp të zgjedhësh të jesh në një lidhje.
Çështje kryesore është se vendimi ynë duhet të vijë nga zgjedhjet tona. Jo nga presionet e jashtme që na bëjnë të kemi frikë nga ato që po ndodhin në jetën tonë.
Le të fillojmë duke eksploruar së pari mitin e “dashurisë romantike”.
Miti i “dashurisë romantike”
Ne perëndimorët kemi qenë të magjepsur nga joshja e “dashurisë romantike”. Ne rritemi me imazhe të një çifti romantik që ecë krah për krah plazhit, me diellin që del butësisht mbi oqean. Çifti natyrisht, është i gatshëm të jetojë i lumtur për jetë të jetëve.
Ideja e dashurisë romantike është tërheqëse. Dashuria romantike sjell në mendje intimitetin e pastër dhe emocional.
Dashuria romantike duket se përfaqëson një dëshirë të pakufishme në thellësi. Është një pasion shpirtëror i rrallë që i çon të dy partnerët në një bashkim.
Është një ide e bukur. Por nga vjen nocioni i dashurisë romantike?
“Shkolla e Jetës” tregon se koncepti i dashurisë romantike është shumë i ri për shoqërinë e sotme moderne. Ka të ngjarë të jetë vetëm 250 vjeç i vjetër.
Para kësaj, njerëzit sigurisht që kanë jetuar së bashku, por më shumë për arsye praktike. Ata nuk e prisnin të lumturoheshin me këtë. Ata hynë në partneritetet e tyre për hir të mbijetesës dhe të pasurit fëmijë.
Një partneritet që sjell ndjenja dashurie romantike është sigurisht i mundur. Ndoshta ju keni përjetuar diçka të ngjashme në jetën tuaj.
Por ne nuk duhet të bëjmë shaka me veten tonë duke menduar se kjo është normë. Ka më shumë të ngjarë që vetëm një përqindje e vogël e partneriteteve romantike të jenë të suksesshme sipas standardeve të dashurisë romantike. Dhe pse duhet të jetë një problem?
Problemi nuk janë marrëdhëniet që ne i formojmë në shoqërinë e sotme. Është se si shoqëri kemi bërë diçka që është, në të vërtetë, një anomali e jashtëzakonshme.
Vizioni i dashurisë romantike është një standard joreal për ne që ta aspirojmë. Prandaj, kam vendosur të pranoj që në fillim se sa e vështirë është të përjetosh dashuri romantike. Të përqëndrohem në llojet e tjera të marrëdhënieve emocionale që më sjellin përmbushje.
Beqarët janë romantikë, gjithashtu…
Në përpjekjen për të kuptuar pse dikush zgjedh të jetë beqar, mund të faleni ju që mendoni se jam lodhur nga dashuria dhe nuk interesohem për romancën.
Kjo nuk mund të jetë shumë larg nga e vërteta.
Realiteti është që unë nuk gjykoj suksesin e marrëdhënieve të mia me standardet joreale të dashurisë romantike. Më pëlqen të përjetoj momente romancash, pavarësisht nëse këto momente vijnë nga marrëdhënie të kryera ose nga momente të bukura me njerëz të rinj në jetën time.
Kjo është një nga arsyet që unë zgjedh të jem beqare. Më pëlqen të përjetoj dashuri romantike dhe jam plotësisht e vetëdijshme që shumica e marrëdhënieve nuk përmbajnë këto standarde idealiste.
Megjithatë, shumë prej mundësive para meje nuk kanë gjasa të sjellin ndjenjat e mrekullueshme të romancës. Prandaj, të qenit beqare më mban në një gjendje realiste, ndërsa ende jam e hapur për të provuar romancë nëse vjen.
Në fund të fundit, unë nuk jam e interesuar të kërkoj një iluzion. Interesohem në atë që është e vërtetë, duke provuar plotësinë e lidhjeve emocionale. Qëndrimi beqare më mban me këmbë në tokë.
Mendoj se njerëzit që zgjedhin të jenë beqarë janë pajtuar me realitetin se dashuria romantike është një iluzion. Ata janë të hapur për të përjetuar dashuri romantike, por janë gjithashtu realistë për atë sa e vështirë është të gjesh diçka të tillë.
… Dhe mund të jetë i pjekur emocionalisht
Ajo tregon pjekuri emocionale për tu angazhuar në një marrëdhënie, duke mësuar se si ta duash dikë dhe të jesh atje për të në çdo mënyrë.
Por a nuk është ky rasti që kërkon pjekuri emocionale për ta kuptuar se sa e vështirë është të përmbushesh në një partneritet romantik?
Marrëdhëniet mund të jenë punë e vështirë. Njerëzit hyjnë tek ato me shumë lloje pritjesh. Shumë prej të tyre vështirë për t’u realizuar.
Në një marrëdhënie, unë e ekspozoj dikë ndaj të metave të mia, dhe angazhohem të jetoj edhe me të metat e tij.
Si një person i vetëm, unë kam lirinë të përqëndrohem në mësim dhe rritje. Kam hapësirën të njoh me të vërtetë dhe të kuptoj se çfarë dua në jetë. Jam në gjendje të punoj për t’u bërë një person emocionalisht i pjekur.
Kur jam në një marrëdhënie me dikë, është e vështirë ti bëj këto gjëra. Kam nevojë për kompromis. Më duhet të heq dorë nga një pjesë e vetes sime për hir të bashkimit që po krijoj.
Si një person i vetëm, kam më shumë liri të zhvilloj marrëdhënie të forta me një gamë më të gjerë njerëzish sesa po të isha në një marrëdhënie.
Kjo për shkak se të qenit beqar rrit lidhjet shoqërore, sipas një studimi të botuar në “Journal of Relationships Social and Personal”.
Ekspertët pajtohen. Sipas Roxy Zarrabi, një psikolog klinik, “nuk ka dyshim se kur jeni beqar jeni në gjendje të kaloni më shumë kohë në thellimin e miqësive që i shihni si më të vlefshme.”
Të qenurit beqare më ka dhënë kaq shumë mundësi për të zhvilluar të kuptuarit tim për veten përderisa ndërton një numër marrëdhëniesh shumë domethënëse.
Të qenit në një marrëdhënie do të më jepte një mundësi të mësoja për një anë tjetër të vetes time, por unë kam mësuar për veten time, përderisa jam beqare, në një mënyrë që më bën të vlerësoj shumë lirinë time.
U mësova të jem përgjegjëse për zgjedhjet e mia. I bëj ato në një mënyrë që e bën jetën time “të tërë” dhe “të plotë” pa pasur nevojë për një partner për të më kompletuar.
Në fund të fundit, të qenit beqare më ka mundësuar të zhvilloj pjekurinë time emocionale në një mënyrë që të mos mbështetem në perceptimin e dikujt tjetër për mua ose miratimin e tyre.
Siç ka shkruar dhe Charles Bukowski dikur: “Ka gjëra më të këqija se sa të jesh vetëm. Por shpesh duhen dekada për ta kuptuar këtë. Dhe kur zakonisht e kuptoni, atëherë është tepër vonë. Nuk ka asgjë më të keqe se sa të jesh vonë.”
Ka të bëjë me dashurinë për veten, fillimisht
Kohët e fundit pata një bisedë të jashtëzakonshme me shamanin Rudá Iandê në lidhje me prishjen e marrëdhënieve toksike për të gjetur dashurinë e vërtetë.
Rudá tha se për të zhvilluar një marrëdhënie të shëndetshme dhe kultivuese, së pari duhet të krijoni një marrëdhënie të shëndetshme dhe kultivuese me veten tuaj. Nëse nuk e keni këtë marrëdhënie me veten tuaj, atëherë e rrisni mundësinë e zhvillimit të modeleve toksike në marrëdhëniet tuaja.
Kur ka kaq shumë ngarendje në shoqëri për të qenë në një marrëdhënie, ne i mohojmë vetes kohën dhe hapësirën për të zhvilluar një marrëdhënie të shëndetshme me veten tonë.
ObserverKult
Lexo edhe:
KËNGËTARJA SHQIPTARE: MË PANË SI TË ISHA E KRISUR NË KOKË PASI HYRA NË INDUSTRINË E MUZIKËS
