Shembulli i gabuar i prindërve shqiptarë: Pediatrja Lira Gjika rrëfen…

Pediatrja Lira Gjika ka rrëfyer një histori që i ka tërhequr vëmendjen:

Një ngjarje e jetuar.

Nëna e veshur me shumë shije dhe veshjet të blera në “boutique”, po ashtu edhe babai. Fëmijën që e kishin vënë në mes, nuk ishte më shumë se 6 vjeç. Ajo e kishte kapur te kyçi i dorës. Gati e tërhiqte me inat si një peshë, që e pengonte, por s’kish ç’të bënte, duhet ta mbante. Babai, gati i huaj edhe me veten.

Fëmija nuk dinte çfarë të bënte. Ecte sa më shpejt, që mundej, për të mos u penguar apo bezdisur mamanë, që fliste gati duke bërtitur “se unë kam jetën time”.

I ati ashtu i huaj siç ishte, i përgjigjej nënës së fëmijës “ohu një fjalë di ti” Këta dy njerëz kishin bërë shkolla. Kishin gjetur punëra të mira, kishin mësuar anglisht. Por ata nuk kishin mësuar, se gjërat e rëndësishme nuk zgjidhen në rrugë...” vazhdon rrëfimin pediatrja.

Ata dy njerëz, në atë çast, nuk ishin të vetëdijshëm për veten e tyre si njerëz, si prindër. Këtyre dy njerëzve, as u shkonte në mend, që po flisnin për gjënë më të rëndësishme të jetës së tyre në prezencë të fëmijës së tyre. Dhe ku po flisnin? Në rrugë.

Pra këtyre dy njerëzve, që me siguri ishin punojnës në banka, apo ishin avokatë, apo kanë biznes, nuk u shkonte mendja, se gjërat e mëdha nuk diskutohen në rrugë. Për këtë kategori njerëzish nuk ka vlerë asgjë, kur i pushton inati, mllefi dhe nervozizmi.

Këta njerëz të veshur me aq kujdes dhe shije të hollë, përdornin një fjalor e ton, aspak të cilësisë së veshjes së tyre. Të dy të mbushur me mllef me njëri tjetrin harronin detyrën kryesore. Që e kanë për detyrë të jenë modeli qytetar i fëmijës së tyre.

Dhe unë që padashur u bëra dëshmitar i kësaj skene sa të dhimshme aq të shëmtuar, sepse rastisa në atë rrugë, në atë çast kritik, e pafuqishme të ndihmoj fëmijën, më ushtonte në vesh, shprehja e madhe e profesor Çabejit, “fjala mëson, por modeli tërheq dhe ndërton”, tregon pediatrja Gjika.

Ai fëmijë, që u tërhoq rrugëve të Tiranës si një thes, që e rrotullonte kokën sa majtas djathtas për të kuptuar ndonjë gjë nga ky dialog të rriturish, si e përjetoi këtë situatë? Ai fëmijë nuk e di se kush ka të drejtë. Di vetëm se këta dy njerëz janë mami dhe babi dhe ai do të jetë “i rritur” si ata.

Prindërit e këtij fëmije, kanë bërë shkolla e kanë mësuar fjalë…Por kur duhet të flisnin për gjëra madhore nuk dinin as vendin dhe as fjalët e duhura.”/the-living

LEXO EDHE: BABAI E BRAKTISI – FËMIJA I LINDI PAJETË, ISH-E DASHURA NDËRROI JETË NË AKSIDENT- POR AI KURRË S’U DORËZUA