Si u ngri plaka me dhen’ në bjeshkë?

Foto ilustrim

(Dersnik, Lugu i Drinit)

Ish kanë ni plakë; i kish pasë disa krenë dhên. Ni vjet, marsi majti mirë, s’pat borë as t’ftohtë. Plaka u trimnue e duel n’bjeshkë ma heret at vjet. Kur u nis për bjeshkë, u rrit mêç pej qefit e nisi e po knon:

Cilivili
mars kopili!
Vetë jam,
dhêt i kam;
dola n’bjeshkë
e nuk ta kam.

Marsi i lshoi zâ muejit fruer e iu lut:

O fruer, êm vlla,
êmi tri dit’hua
ta mys plakën me kâ ka.

Veri e furfullaza filluen me fry, e borë e kjamet. Kur u banë dhetë sahat, plaka u ngri me gjithë dhên.
Qatyne ditve t’mrama t’marsit ka metë edhe sot me u thanë “Dit’ e plakave”, për punë t’qasaj plakës qi ka dalë heret n’bjeshkë e â’ ngri me gjithë dhên. Pa vakt s’ban me dalë n’bjeshkë.

*Shkëputur nga libri i Anton Çettës: “Nga folklori ynë”

Titulli i origjinalit: “Ditët e plakave”

Përgatiti: ObserverKult

LEXO EDHE: ANTON ÇETTA: KËTO JANË VENDET QË SOT E ASAJ DITE KUSH S’GUXON M’I PREK