Xhevahir Spahiu: Kosovarja

buza te jesh me ty poezi nga xhevahir spahiu observerkult

Në hyrje të shekullit të njëzetë,
nxorën në bankë të akuzës
një malësore të thjeshtë.

Ajo pas hekurave të burgut kishte pyetur:
– Përse?
Ata i thanë:
-Sepse…
Ajo në gjyq:
-Përse?
Ata:
-Një herë ke thënë se…

Sy të habitur
Në sallën e tymtë,
– Përse? Jua them unë,-
tha ajo më në fund.

Dhe zbuloi veshjen e varfër të saj,
sikur të zbulonte një thesar:
jeleku i kuq,
xhubleta e zezë!

– Ja, për këto më dënoni,
ju të një toke tjetër!

Në sallë u shpalos
trupi i saj:
një flamur kuq e zi.

Dhe zemra në flamur
si shqiponjë lëvizi.

ObserverKult


Lexo edhe:

XHEVAHIR SPAHIU: MONOLOGU I MIGJENIT