Ja 10 përfitimet nga leximi i përditshëm:
- Mbron shëndetin mendor
Studimet kanë treguar se personat që lexojnë rregullisht çdo ditë dhe e mbajnë vëmendjen përditë aktive përmes leximit, kanë 2.5 herë më pak shanse për të zhvilluar sëmundjen nervore degjenerative të Alzhaimerit.
- Redukton stresin
Një studim i bërë në “University of Sussec” në vitin 2009 ka treguar se leximi i përditshëm me vetëm 6 minuta redukton stresin me 68%, sepse gjatë kohës që lexohet diçka, lexuesi bëhet pjesë e një bote larg realitetit të përditshëm.
- Shton njohuritë e përgjithshme
Nuk është e thënë që duhet të lexoni materiale shkencore për të marrë informacione të shumta lidhur me tema të ndryshme. Edhe një roman tipik veror mund t’ju japë informacione për sjelljet e njerëzve, menaxhimin e situatave dhe të problemeve etj. Edhe këto janë njohuri.
- Nxit empatinë
Në një studim me njerëz heteroseksualë që shpreheshin me urrejtje për homoseksualët, secili prej tyre do të paguhej, nëse do të përfundonte së lexuari një libër lidhur me jetën e një personi homoseksual. Ata do të paguheshin vetëm nëse do të diskutonin në fund rreth tij. Kur e përfunduan, shumica prej tyre ndryshuan komplet mendim lidhur me homoseksualët. Kjo tregon se duke lexuar mbi jetën e dikujt që ndodhet në kushte komplet ndryshe nga tonat, ne e vendosim veten tonë në vendin e tij dhe bëhemi më tepër empatikë.
- Përmirëson fjalorin
Çdo gjuhë është një mjet fantastik për t’u shprehur për veten tonë. Nëse ne lexojmë rregullisht, do ta përmirësojmë dhe pasurojmë fjalorin. Duke e bërë këtë gjë, bëhemi më të aftë të shprehim ndjenjat dhe mendimet. Është vënë re në konferenca dhe takime të ndryshme që njerëzit, të cilët kanë një fjalor më të pasur dhe dinë të shprehen lirshëm, e fitojnë më lehtë pëlqimin e të tjerëve.
- Përmirëson gjuhën e shkruar
Ky përfitim shkon paralelisht me përmirësimin e fjalorit. Duke lexuar rregullisht përditë, bëhemi më të vëmendshëm edhe për gabimet që bëjmë në të shkruar. Me gabime në të shkruar nuk bëhet fjalë vetëm për shkrimin saktë të fjalëve, por edhe me vendosjen e saktë të shenjave të pikësimit.
- Fiton aftësi të forta analizuese
Në një studim të bërë me dy grupe, njërin grup me lexues të rregullt dhe një tjetër që thonin se lexonin kur kishin ndonjëherë kohë, të dyve iu dha për t’u zgjidhur i njëjti mister. Ditën e parë u morën përgjigjet e tyre dhe nuk iu dha përgjigja e saktë. Pastaj iu la porosi ta mendonin dhe ta thoshin të plotë versionin e tyre ditën tjetër. Grupi që lexonte rregullisht, kishte fituar aftësi më të mira analizimi të misterit, krahasuar me grupin që lexonte “kur kishte kohë”.
- Forcon kujtesën
Leximi i vazhdueshëm dhe i përditshëm i librave e mban trurin aktiv dhe e përmirëson kujtesën në mënyrë të shpejtë e të dukshme. Nëse je lexues i rregullt i librave, sipas studimeve të kryera në periudha të ndryshme, ti ke fituar aftësi tepër të forta për t’i mbajtur mend mirë gjërat.
- Rrit përqendrimin
Duke qenë se rutina e secilit prej nesh është bërë më e ngarkuar për shkak të përdorimit kudo të teknologjisë, ne shpesh na shkëputet vëmendja jonë nga gjërat e rëndësishme që kemi. Nëse lexojmë rregullisht, kemi për ta vënë re se si do të përmirësohet përqendrimi edhe në kushtet e mbingarkesës në punë, në shoqëri, apo në shkollë.
- Dhuron argëtim falas
A nuk është fantastike të ndihesh si i transportuar në një botë komplet ndryshe pa asnjë pagesë? Librat janë dhe kushtojnë, por nuk është e thënë që duhet t’i blesh për t’i lexuar. Mundet edhe t’i huazosh në biblioteka, ose t’i lexosh online dhe të argëtohesh totalisht falas. /ObserverKult
Lexo edhe:
“LAMTUMIRË”, KËNGA E PAHARRUAR E MUHARREM QENËS (TEKSTI DHE VIDEO)
