Vizita në varreza nuk është kurrë diçka e bukur dhe nuk mund ta quash vendin ku prehen të vdekurit si atraksion turistik, por ka disa varre që ju ftojnë për vizitë!
Galeria e mëposhtme e fotove do ju tregojë se kush janë varret dhe mauzoleumet më të famshme në botë.
1. Taj Mahal, Agra, Indi – Ky mauzole prej mermeri të bardhë u ndërtua në vitet 1632 deri në vitin 1653, me urdhër të perandorit Mughal Shah Jahan për gruan e tij. Taj Mahal është i njohur për kupolën e tij spektakolare 35 metra të gjatë, e gjitha në mermer, ndërtuar mbi varrin e saj. Taj Mahal është monumenti më i famshëm në Indi dhe është pjesë e Trashëgimisë Botërore të UNESCO-s që nga viti 1983.
2. Mauzoleumi i Perandorit të Parë Qin dhe Ushtrisë Terrakote (baltë e pjekur), Shaanxi, Kinë – Mauzoleumi i Perandorit të Parë Qin u ndërtua gjatë disa dekadave, nga 246 deri në vitin 208 para erës së re. Mauzoleumi i madh është përhapur në disa kilometra në perimetër, dhe tipari më i famshëm i kompleksit është ushtria e madhe prej balte të pjekur. I zbuluar vetëm në vitin 1974, Ushtria Terrakote është një koleksion i madh i skulpturave të ushtarëve, qëllimi i të cilëve ishte mbrojtja e perandorit në jetën e tij të përtejme. Mbledhja është e shpërndarë nëpër disa gropa, të cilat së bashku përfshijnë më shumë se 8,000 ushtarë, 130 qerre me 520 kuaj dhe 150 kuaj e kalorës.
3. Piramida e Madhe e Gizës, Egjipt – Është e vështirë të besohet se një strukturë e tillë masive është thjesht një mauzole, por Piramida e Madhe e Gizës është ndërtuar si varr për Faraonin Khuf. Kjo është piramida më e famshme në botë, më e vjetra dhe më e madhja midis 3 piramidave të Gizës dhe është gjithashtu struktura më e vjetër dhe e vetmja e Shtatë mrekullive të botës së lashtë. Piramida e Madhe u ndërtua rreth vitit 2560 – 2540 para Krishtit, me një lartësi 146.5 metra. Piramidat e Gizës janë renditur si një vend i trashëgimisë kulturore botërore.
4. Mauzoleumi i Leninit, Moskë, Rusi – I vendosur në Sheshin e Kuq të Moskës, pranë Katedrales së Kremlinit dhe Shën Vasilit, varri i Leninit mban trupin e balsamosur të Vladimir Leninit. Trupi i balsamuar ka qenë i shfaqur publikisht që pas vdekjes së Leninit në vitin 1924. Sarkofagu mbahet në një temperaturë prej 16 ° C dhe në një lagështi prej 80% – 90%. Përveç ruajtjes së përditshme ai hiqet çdo 18 muaj për t’iu nënshtruar një banjë kimike.
5. Castel Sant’Angelo – Kjo kështjellë mbresëlënëse në lumin Tiber u hartua nga Perandori Hadrian për t’u përdorur si mauzole për veten dhe familjen e tij. Hiri i tij u vendos këtu pas vdekjes së tij, po ashtu edhe ai i bashkëshortes dhe djalit të tij. Mbetjet e perandorëve të mëvonshëm u vendosën gjithashtu këtu. Ndërtesa u përdor më vonë nga papët si një fortesë dhe kështjellë dhe tani është një muze. Kështjella ishte dikur ndërtesa më e lartë në Romë dhe sot ajo ende ngrihet mbi qytet me pamje të bukur dhe konsiderohet të jetë një nga atraksionet kryesore të Romës.
6. Varri i Jezusit, Kisha e Varrit të Shenjtë, Jeruzalem, Izrael – E ashtuquajtura Bazilika e Varrit të Shenjtë, ose Kisha e Ringjalljes, kjo kishë me famë botërore ndodhet brenda lagjes së krishterë të qytetit të vjetër të Jeruzalemit. Vendi ndodhet në Kodrën e Kalvarit (Golgotha) ku Jezusi besohet të jetë kryqëzuar. Kisha përmban Varrin – që besohet të jetë varri i Jezusit. Për shumë të krishterë vendi është vendi më i rëndësishëm i pelegrinazhit që para shekullit të 4-të.
7. Varri i Kirit, Pasargadit, Iran – Kiri i Madh ishte themeluesi dhe sundimtari i Perandorisë së madhe Perse në shekullin VI para Krishtit. Varri që gjendet vetëm jashtë Pasargadae, kryeqyteti i lashtë i Persisë, besohet të jetë varri i tij. Vendi u vizitua nga Aleksandri i Madh në fund të shekullit të 4-të, B.C, dhe thuhet se Aleksandri i Madh ishte i bindur se kishte gjetur varrin e Kirit. Sipas këtyre përshkrimeve, brenda mauzoleut gëlqerorë që shohim sot ka pasur një sarkofag ari, por përmbajtja ndoshta është vjedhur shumë kohë më parë.
8. Shah-i-Zinda, Samarkand, Uzbekistan – Shah-i-Zinda ose “Mbreti i gjallë” është një kompleks i famshëm i tre grupe strukturash. Disa nga këto struktura datojnë në shekujt e 11-të dhe të 12-të, ndërsa të tjera janë nga një periudhë e mëvonshme në shekullin e 14-të apo të 15-të. Kompleksi përfshin mauzole të Kusam ibn Abbasit, kushëririt të profetit Muhamed.
9. Varri i Jahangir, Punjab, Pakistan – Varri mbresëlënës i Jahangir është mauzoleja e ndërtuar për perandorin Mughal Jahangir që sundoi perandorinë nga 1605 deri në vitin 1627. Ky mauzole i famshëm u ndërtua nga djali i tij dhjetë vjet pas vdekjes së babait të tij. Struktura qëndron në mes të një kopshti dhe ka katër minare të larta prej 30 metrash. Brenda mauzoleut qëndron sarkofagu i ngritur i bërë prej mermeri të bardhë dhe zbukuruar bukur.
10. A keni dëgjuar për Varrin e Agamemnonit (i quajtur edhe Thesari i Atreusit)? Është ndoshta shembulli më i mirë i mbijetuar i një varri nga Greqia mikene. I ndërtuar rreth vitit 1250 p.e.s, nuk dihet se për kë ishte menduar varri ose nëse kishte pasur ndonjëherë thesare. Megjithatë, legjenda thotë se ishte vendi i fundit i prehjes së mbretit Agamemnon. Porta është 18 këmbë e lartë (5.4 m) dhe është në majë (si një zgjua bletësh). Në brendësi, varri përbëhet nga dy dhoma dhe punimet e gurit janë zbukuruar me rozeta bronzi. Shkathtësia arkitekturore dhe mjeshtëria e nevojshme për të ndërtuar varrin është mbresëlënëse dhe varri mbetet një pjesë e rëndësishme e rrëfimit historik për Greqinë e Lashtë.
Përgatiti: U.V. /ObserverKult
Lexo edhe:
PREKËSE/ ELVIRA DIAMANTI: KY ËSHTË MOMENTI MË I VËSHTIRË NË JETËN TIME…
