Kori i Filarmonisë së Kosovës me datë 2 shkurt duke filluar nga ora 19:00 do ta festojë 20-vjetorin e krijimit në hapësirat e Teatrit Kombëtar të Operës e Baletit në Tiranë me një koncert për artdashësit shqiptarë.
Koncerti do të jetë nën udhëheqjen e dirigjentit dhe kompozitorit të mirënjohur, Rafet Rudi.
“Me pjesëmarrjen e violinistes së njohur, Sihana Badivuku, Kori i Filharmonisë së Kosovës do të vijë me një performancë mbresëlënëse, përfshirë interpretimin e veprës “Concerto Fantasy” për violinë dhe kor nga Rafet Rudi, si dhe një repertor me vepra nga Mendi Mengjiqi, Aulon Naçi, Eric Whitacre, Ko Matsushita, Baki Jashari dhe Eriks Esenvlads”, njoftoi Filarmonia e Kosovës përmes një njoftimi në rrjetet sociale.
Ky koncert po mbahet në shënim të 20-vjetorit të Korit të Filarmonisë së Kosovës po ashtu dhe bashkëpunimit ndërinstitucional midis Filarmonisë së Kosovës dhe Teatrit Kombëtar të Operas, Baletit dhe Ansamblit Popullor.
Biletat e këtij koncerti mund t’i merrni çdo ditë, nga ora 10:00-14:00 dhe nga ora 16:00- 20:00.
ObserverKult
Lexo edhe:
MARIO BENEDETTI: MOS MË THUAJ ASGJË, VETËM MË DUAJ
Nëse një ditë më
sheh të trishtuar,
mos më thuaj asgjë,
vetëm më duaj.
Nëse më gjen
në vetminë e natës së errët,
mos më pyet për asgjë,
vetëm eja rri me mua.
Nëse ti më shikon
dhe unë nuk të shikoj,
mos mendo asgjë,
vetëm më kupto.
Nëse ajo që të mungon
është dashuria,
mos ki frikë,
më duaj.
Por nëse një ditë
nuk do t’më duash më,
mos më thuaj asgjë.
Poezinë e plotë mund ta lexoni KËTU:
ObserverKult
