Pak orë e ndajnë nga paraqitja para audiencës. Ema Andrea është rikthyer në Prishtinë me një performancë bashkëkohore e dinamike.
E titulluar “Rrugëtim në vetë të parë”, shfaqja është një trinom i muzikës pianistike, elementeve teatrore dhe efekteve audiovizuale, transmeton KTV.
Andrea, e cila ka bërë regjinë e projektit teatror të ideuar nga Rea Veizi, flet për shfaqjen që përfshin edhe poezi e pjesë nga romane të autorëve me nam.
Andrea flet për skenën teatrore në Shqipëri dhe Kosovës, duke theksuar rolin e artistëve karshi ndryshimeve në shoqëri.
Aktorja e regjisorja e njohur shqiptare, e ka në plan që nëpërmjet teatrit të hulumtojë edhe historinë e errët të komunizmit.
Ema Andrea është nderuar me çmime në festival të rajonit dhe Evropës. Në vitin 2018 u shpall aktorja më e mirë në “FIAT Festival” në Sarajevë.
