Bija ime
Nga: María Arenas Vizcaíno
Alisia, hap letrën për të parë ç’porosi i ka lënë gjyshja. Dhe ja fjalët çfarë lexon:
«Bija ime, duhet të mësosh sa më shumë rrugëzgjidhje të problemeve; ec e sigurt në jetë, ji krenare, mbaje kokën lart që je grua! Asnjëherë mos e ul shikimin. Ti je një, je njësoj si ai. Dhe si ajo tjetra. Respekto dhe tolero veten. Ndjehu krenare, nguli këmbët fort dhe qaj ose qesh, nëse kjo është ajo që dëshiron.
Je avokate apo parukiere, por ji e lumtur! Mbro kriteret e tua dhe prano të tjera më të mira. Pi diellin dhe ha hënën. Mbaje trupin dhe krenohu me lëkurën tënde.»
Përktheu: Bajram Karabolli
ObseverKult
———————
TË GJITHË E NJOHIM DASHURINË PËR TË CILËN FLET ALDA MERINI
Poezia e Alda Merinit na prek gjithnjë në thellësi, duke na bërë të na dridhen edhe telat më të ndjeshëm të zemrës sonë. Erotizmi dhe sensualiteti janë elementët më të fortë të vargjeve të saj të dashurisë, që nuk e tregojnë këtë ndjenjë fisnike në nivelin ideal dhe platonik, por e bëjnë atë konkret. Ato e bëjnë atë të jetojë në jetën tonë të përditshme. Të gjithë e njohim dashurinë për të cilën flet Alda Merini. Fjalët e saj nuk janë abstrakte: nuk flet shpirti, por trupi. Flitet për ne.
Një nga poezitë që shpreh pikërisht këtë emocion është “Dhe pastaj bëj dashuri”. Nuk ka asgjë më të zakonshme dhe pragmatike se dashuria. Arti i dashurisë. Ajo e pa dashurinë si një rrezik. “Poeti është si prifti, arrin të sublimojë: poeti edhe nëse do ishte e mundur preferon t’i këndojë dashurisë, sesa ta jetojë, sepse ta jetosh është një rrezik dhe gjithnjë tërhiqem mbrapa”, do të shprehej ajo, në një intervistë.
Tekstin e plotë mund ta gjeni KËTU
