Ky është urimi i fundit i Krishtlindjeve, i publikuar nga Drejtoria e Përgjithshme e Arkivave, e vitit 1966, para se Shqipëria të shpallej vend ateist e regjimi komunist të ndalonte me forcë çdo kremtim e aktivitet fetar dhe të urdhëronte mbylljen e të gjithë institucioneve fetare.
“Shteti nuk njeh asnjë fe dhe mbështet dhe zhvillon propagandë ateiste për të përfshirë njerëzit në botëkuptimin shkencor materialist.”– deklarohej në nenin 37 të Kushtetutës së Republikës Popullore.
Si një dëshmi e dhimbshme për shpirtin e një kombi të tërë, ky telegram urimi dëshmon veç të tjerash, edhe harmoninë mes besimeve në Shqipëri, në një kohë kur prej vitesh me direktiva nga Moska, regjimi nxitej të mbështeste klerin ortodoks e të luftonte pa kompromis klerin katolik.
Kreu i kishës ortodokse, kryepeshkopi Damian, i drejtohet Emzot Ernest Çobës në Shkodër, me këtë telegram urimi, ku veç të tjerash lutet për begatinë e atdheut.
“Eminencës Ernest Çoba
Kryetar i kishës katolike
Shkodër
121 Shkodër Tiranë 01175 74. 23 1330 =
NR 8/66 PROT =
Në emër të Kishës Orthodokse Autoqefale të Shqipërisë dhe tonin personal falenderojmë dhe dërgojmë urime të njëllojta për ju dhe klerin e besnikët vëllezër katolikë të Shqipërisë me rastin e Krishtlindjes e Vitit të Ri duke bashkur me këtë rast lutjet tona për një paqe në mbarë botën dhe begatinë e atdheut tonë të shtrenjtë.
Kryetari i Kishës Orthodokse Autoqefale të Shqipërisë.
Kryepiskopi Damjan”
Dokumenti mban datën 23 dhjetor 1966. Këto ishin Krishtlindjet e fundit në Shqipërinë komuniste, ku pllakosi një prej periudhave më të errëta në historinë e njerëzimit, periudhë e cila do të merrte fund, vetëm me shembjen e këtij regjimi, në 20 shkurt 1991.
ObserverKult
Lexo edhe:
“SA HERË MË FTOJNË NË JURINË E FESTIVALEVE KA PËRPLASJE”, RITA PETRO: SOT TEKSTET E KËNGËVE JANË BANALE
Poetja, Rita Petro, është ndalur në rrëfimin e saj në emisionin “Pas Mesnate” dhe te Festivali i Këngës. Ajo ka bërë jo pak bujë, kur ka qene pjesë e jurisë, veçanërisht në Festivalin e 58-të, ku i dha fitoren këngëtares Arilena Ara.
Rita ka thënë se nuk e do zhurmën e festivaleve, por gjithmonë ndodh kështu. Sakaq, ajo është ndalur dhe këngët që artistët bëjnë sot, të cilat për të nuk kanë më tekstet e mëpërparshme, ku në bazë të poezisë krijohej melodia, por janë banale…
Tekstin e plotë e gjeni KËTU
