Nga Altin Dangëllia
Rajmonda Bulku dhe Luiza Xhuvani, janë padyshim dy nga aktoret më të mira shqiptare.
Ato konsiderohen si dy yje, të cilat shkëlqejnë ende sot e kësaj dite. Por dy aktoret e njohura kanë edhe një tjetër të përbashkët. Të dyja ato janë përfshirë në politikë.
Rajmonda Bulku u bë deputete e Partisë Demokratike në periudhën 2009-2013. Luiza Xhuvani po ashtu u bë deputete e Partisë Socialiste po në atë periudhë.
Por aktorja e dashur u detyrua të linte mandatin e deputetes, pas ngjarjes së tmerrshme me të birin e saj, që nën efektin e drogës vrau katër persona. Derisa Luiza u tërhoq përfundimisht nga politika, për shkak të kësaj ngjarje të rëndë, Rajmonda Bulku është rikthyer sërish.
Kjo ka bërë që Bulku të sulmohet ashpër, duke i kujtuar se po mbështet një njeri të korruptuar, të shpallur “non grata” nga SHBA dhe Britania e Madhe.
Por edhe në këtë, si Xhuvani, dhe Bulku, kanë një të përbashkët. Sepse edhe Luiza kur ndodhi ajo ngjarje e tmerrshme, u sulmua egërsisht nga mbështetësit e partisë tjetër. Madje duke e bërë përgjegjëse atë se kishte rritur një djalë të papërgjegjshëm.
Apo se i biri kishte përfituar politikisht prej së ëmës, pasi ishte përfshirë edhe më parë në një ngjarje tjetër kriminale.
Madje, edhe sot, kur faqja Aktorët shqiptarë postoi një foto të saj, shumë komentues i kujtuan pikërisht historinë e djalit dhe hoqën një paralele pse Bulku sulmohet, dhe ajo jo.
Fakt është se politika në Shqipëri është një terren i egër dhe nuk pyet as për dy ikona si Bulku dhe Xhuvani.
Ato bëhen përgjegjëse, për vepra që nuk janë të tyret. Ky është çmimi që duhet të paguajnë, pse janë personazhe të njohura. Një çmim i padrejtë, por që ato e kanë përballuar me dinjitet./Vjosa.net
*Titulli i origjinalit: “Luiza Xhuvani dhe Rajmonda Bulku, përballë llumit të sulmeve: Një paralele e përbashkët e dy aktoreve të njohura”
ObserverKult
Lexo edhe:
NUK NA E KA FAJIN RAJMONDA BULKU, O NJERËZ!
Nga Adelina Shehu
Aktorja Rajmonda Bulku, ka përfunduar nën akuza të shumta ditët e fundit në rrjetet sociale. Kjo, për shkak të angazhimit të saj në politikë.
Më saktë, për shkak të rikthimit të saj në Partinë Demokratike, parti në të cilën ajo ka qenë më parë deputete.
Gjithë revolta ndaj Bulkut, ka të bëjë me faktin se ajo është shfaqur krah një njeriu që është shpallur non grata nga SHBA dhe Britania e Madhe familjarisht. Për shkak të korrupsionit dhe minimit të demokracisë.
Kuptohet, në një vend të politizuar si Shqipëria, nuk mund t’iu shpëtonte sulmeve dhe Rajmonda Bulku.
Tekstin e plotë mund ta lexoni KËTU:
ObserverKult
