Kur më në fund u tha se po bëhet një premtim i kahershëm i qeverisjeve komunale rrezikon të mbetet vetëm në letër.
Fjala është për sallën koncertale në Prishtinë, e shumëkërkuar dhe e nevojshme për komunitetin artistik, ndërtimi i të cilës mund të zvarritet për shkak të masave ndëshkuese të Bashkimit Evropian ndaj Kosovës.
Donacioni në vlerë prej 15 milionë eurosh tashmë është i pezulluar.
“Të gjitha fondet aktualisht janë në pauzë, për mos me thanë janë të ngrira fondet e BE-së për Kosovën. Kjo e atakon kryeqytetin në disa projekte e një prej projekteve shumë të rëndësishme është edhe projekti i sallës koncertale”, tha nënkryetari i Prishtinës, Alban Zogaj.
Komuna e Prishtinës planifikonte që tenderin për ndërtimin e dy hapësirave kulturore, sallën koncertale e muzeun e artit ta hapte së shpejti.
“Një arkitekt i famshëm botëror, Kengo Kuma, tashmë është duke e bërë gati projektin final, pra projektin zbatues, andaj ne kemi pritur që nga fundi i këtij viti, apo fillimi i vitit tjetër, me e hapë thirrjen për ndërtim, por siç duket ajo do të vonohet për shkak të ngrirjes së fondeve të BE-së”, tha Zogaj.
Ndërkaq, Bashkimi Evropian edhe një herë e ka konfirmuar se masat ndëshkuese ndaj Kosovës, vazhdojnë të mbeten në fuqi.
“Kërkesat e bëra në Deklaratën në emër të BE-së, të datës 3 qershor, mbeten plotësisht valide. Masat e kthyeshme që ka marrë BE-ja mbeten në fuqi, duke përfshirë pezullimin e takimeve të nivelit të lartë me Kosovën. BE-ja është e gatshme t’i heqë këto masa, në rast të përparimit në përmbushjen e kërkesave ekzistuese, ose të vlerësojë masa të mëtejshme ndaj të dyja palëve, nëse është e nevojshme”, thuhet në njoftimin e BE-së.
Ndërtimi i sallës koncertale dhe Muzeut të Artit planifikohet të realizohet në objektin e ish-Gërmisë, përballë Teatrit Kombëtar.
Teksa për projektin final Komuna e Prishtinës kishte ndarë 1 milion euro, kryetari Përparim Rama kishte premtuar se pamja e jashtme e ndërtesës do të ruhej tërësisht./atv
ObserverKult
Lexo edhe:
PËRPARIM RAMA: SALLA KONCERTALE DHE MUZEU I ARTIT PO BËHEN REALITET
Më në fund, një premtim i kahershëm, qeverisje pas qeverisje komunale po bëhet realitet.
Bëhet fjalë për sallën koncertale në Prishtinë, e shumë kërkuar dhe e nevojshme për komunitetin artistik, e cila do të realizohet së shpejti në objektin e ish-Gërmisë (ish-shtëpia e mallrave, përballë Teatrit Kombëtar).
Se kjo gjë do të bëhet së shpejti realitet e bëri me dije nëpërmjet një postimi në faqen e tij në Facebook, i pari i Prishtinës, Përparim Rama.
Tekstin e plotë mund ta lexoni KËTU:
DIN MEHMETI: MË LINI TË QAJ
Poezi nga Din Mehmeti
Më lini të qaj
për çdo gjë timen
Për dashurinë
që s’arriti të bëhet
kurrë dashuri
Për ujëvarat e shpirtit
që dënesin
kur toka fshan
Për dritën e besimit
të pirë në rrugë
Më lini të shfryhem
për gjithçka timen
Për lirinë e plagosur
nga prita në pritë
Të qaj pra
me zë e pa zë
Se ai që s’ka lot
as dashuri nuk ka
S’pata kohë
ti rreshk ëndrrat në këngë
Poezinë e plotë mund ta lexoni KËTU:
ObserverKult
