“The Washington Post” ka botuar, të enjten e 10 gushtit 1939, në faqen nr.12, një shkrim rreth gjellës së preferuar të Faik Konicës dhe recetës së saj, të cilin, Aurenc Bebja, e ka sjellë për publikun shqiptar
Nga Martha Ellyn, Redaktore e The Post Food
Unë do të zgjedh: Mëlçitë e pulës me oriz, thotë Faik Konica!
Ushqimet e preferuara të meshkujve të Uashingtonit prezantohen çdo ditë në këtë rubrikë
Faik Konica, “ish i dërguari i Shqipërisë”, është një anëtar i kultivuar i trupit diplomatik të Uashingtonit.
Duke pasur tashmë një “kapelë të lartë” në njohje të sensit të tij të mrekullueshëm të humorit, besoj se ai meriton njohjen si artist në rangun e tij.
Nëse ai përgatit një kafe orientale, e cila duhet të bluhet me kujdes për t’u zier në këtë xhezve “të posaçme” bakri, nëse gatuan kërpudha apo përgatit një ëmbëlsirë (kek), kjo bëhet në mënyrë të veçantë.
Konica më dha recetën e pjatës së tij të preferuar: oriz të egër me mëlçi pule. Orizi i egër ishte aq i rëndësishëm për Chippewas dhe Sioux të kombit tonë, saqë ata bënë beteja të panumërta mbi fushat e orizit.
Orizi i egër është gjithashtu i rëndësishëm në përgatitjen e pjatës mbretërore që preferon zoti Konica, sepse ka një afinitet të përsosur (shoqërohet) me gjahun.
Kjo recetë nga Z. Konica është një pjatë triumfuese e përshtatshme, veçanërisht për një darkë bufe. Megjithatë, ai thotë se e shijon me një gotë sheri (sherry).
Oriz i egër me mëlçi pule. Lani mirë 6 mëlçitë e pulës. I përzieni me kripë, piper dhe paprika. Shtoni majdanoz të grirë imët dhe një copë gjalpë. Zieni një gjysëm filxhan oriz të egër për 10 minuta. Kullojeni tërësisht.
Përzieni orizin me mëlçitë e ziera dhe shtoni 1 lugë sheri (sherry). Lidheni përzierjen në letër patapar të lagur. Zhyteni në ujë të vluar dhe lëreni të ziejë për 30 minuta.
ObserverKult
Lexo edhe:
JA ÇKA THOSHTE FAIK KONICA PËR FLAMURIN KOMBËTAR
Ideali i lartë i tij për ta mbrojtur dhe për ta bërë sa më të njohur flamurin tonë kombëtar, haset që me shkrimet e tij të hershme në revistën “Albania”, revistë që Faik Konica themeloi dhe drejtoi.
Në shënimin “Flamuri kombëtar i Shqipëtarëvet” (“Albania”, 15 shtator 1901), pyetjes së një parapaguesi të revistës “Albania”: “A ka Shqipëria një flamur kombëtar?”, Faik Konica i përgjigjet, duke u bazuar në veprën e Lavardinit: “Historia e Gjergj Kastriotit i mbiemëruar Skanderbeg, mbret i Shqipërisë”. Kjo vepër është botuar frëngjisht, në Paris më 1621.
Tekstin e plotë mund ta lexoni KËTU:
ObserverKult
