Filmi artistik me metrazh të gjatë “Këtu vallëzohet me hijet – Dancing with the shadows” me regji të Pluton Vasit fitoi çmimin “Best Production” në edicionin e 4-të të International World Film Awards, Winter Edition 2023/2024.
Rovena Lule, regjisore dhe aktore dhe Karafil Shena, i cili luan rolin e personazhit protagonist, të ftuar në emisionin “ABC e Mëngjesit”, në ABC News, ndanë më shumë detaje rreth filmit “Këtu vallëzohet me hijet”, i cili film nga 16 maji do të jetë në kinema Millenium.
Shena bëri me dije se filmi i është kushtuar aktorit Rikard Ljarja.
“Është një film që përplas dy kohë, atë të sotmen dhe atë komuniste. Kemi qenë në disa festivale, edhe në Londër, Sofje. Trajton përndjekjen që i bëhej një grupi të rinjsh artistë liberalë në Shkodrën anti-komuniste. Xhirimet i kemi bërë në Shkodër. Personazhi kryesor fillon dhe tregon për ç’ka përgjuar. Përgjimi është tjetër gjë dhe dëgjimi është tjetër gjë. Pra kjo përcillet në film.”, u shpreh Shena.
Në role të tjera janë Eri Shuka, Neritan Licaj, Eni Shehu, Juli Emiri, Johnny Pojani, Alert Celoaliaj, Nikol Gazheli, etj.
Videon mund ta shikoni duke klikuar KËTU:/ Abcnews.al
ObserverKult
Lexo edhe:
RESTAUROHET FILMI “GUNAT PËRMBI TELA”, JA KUR DO TË SHFAQET
Arkivi Qendror Shtetëror i Filmit në Shqipëri në bashkëpunim me Fondazione Gramsci di Puglia kanë restauruar filmin “Gunat përmbi tela” të regjisorit Muharrem Fejzo, prodhim i vitit 1977.
Premiera e filmit të restauruar do të jetë më 15 maj, në Kinema Millennium në Tiranë.
Restaurimi digjital i këtij filmi dhe eventi i premierës u financuan nga Fondazione Gramsci di Puglia dhe Regione Puglia në kuadër të projektit “Pulja në njëqindvjetorin e ardhjes së fashizmit”.
Filmi “Gunat përmbi tela” u restaurua nga elementet origjinalë negativë 35mm të AQSHF-së, në laboratorin Dabimus srl të Universitetit të Barit “Aldo Moro”, Itali. Filmi mban emrat e një sërë artistësh nga më të njohurit e kinematografisë shqiptare si: Ilia Terpini në kamera, muzika nga Kujtim Laro. Skenari nga Duro Mustafaj, piktor Azis Karalliu. Kostumografia nga Alush Shima etj.
Tekstin e plotë mund ta lexoni KËTU:
ObserverKult
