U nda nga jeta në moshën 66-vjeçare aktori i njohur Naun Shundi. Mësohet se aktori Shundi, ndërroi jetë këtë të enjte në QSUT. Shundi vuante prej kohësh nga një sëmundje e rëndë.
Aktori, regjisori dhe dramaturgu i njohur, Naun Shundi, më 22 gusht u nis nga Franca për në Shqipëri për të marr trajtimin në QSUT për shkak të sëmundjes së rëndë nga e cila vuante.
Naun Shundi, lindi në Tiranë në vitin 1959. Diplomohet si regjisor në Shkollën e Mesme të Kulturës në vitit 1977, e më pas diplomohet në Institutin e Lartë të Arteve, sot Universiteti i Arteve për aktor. Emërohet aktor në Teatrin Popullor në 1983, dhe më pas transferohet si regjisor në Pallatin e Kulturës ‘Dardani’ në Bajram Curri. Rikthehet në 1986 në Teatrin Kombëtar.
Nga viti 1993 deri në vitin 2000 ka qenë pedagog i mjeshtrisë së aktorit, regjizurës dhe fjalës artistike në degën e regjisë në Akademinë e Arteve.
Në vitin 1195 bën specializim për regji pranë Teatrit Kombëtar të Bukureshtit dhe Katedrës së regjisë në Akademinë e Teatrit të Filmit në Bukuresht. Ai ka realizuar mbi 95 role, prej të cilëve permendim, ‘Përballë vetes’, ‘Cezari’, ‘Natë me hënë’, ‘Ezopi’, ‘Zbutja e kryeneces’, ‘Drejt Perëndimit’.
ObserverKult
Lexo edhe:
