A ka dashuri të përjetshme?
Ka me mijëra histori dashurie që kanë frymëzuar njerëzimin. Këto rrëfime u kanë mbijetuar luftërave, ‘zive të bukës’, zjarreve dhe katastrofave natyrore. Pse këto histori ishin aq të rëndësishme, sa të rrezikohej gjithçka për dashurinë? Duhet të ketë diçka në këto histori, dhe shumë prej tyre nuk kanë qenë gjithmonë vetëm marrëdhënie romantike dashurore. Ato kishin të bënin me dashurinë, pavarësisht gjinisë, etnisë apo prejardhje.
Ja 11 çifte që vërtetojnë se dashuria mund të zgjasë përgjithmonë:
1. HELENA DHE PARIDI
Lufta e Trojës nisi kur Parisi, Princi i Trojës, ra në dashuri me Helenën, mbretëreshën e re të Spartës, dhe ata u larguan së bashku, pasi ranë çmendurisht në në dashuri, duke shkaktuar një luftë dhjetëvjeçare mes grekëve dhe trojanëve. Thuhet se dashuria e tyre ishte aq e fortë, saqë historia e tyre është përcjellë nga brezi në brez, për mijëra vite.
2. ANTONI DHE KLEOPATRA
Antoni, një senator romak, dhe Kleopatra, faraonia e fundit e Egjiptit, ra në dashuri me shikim të parë. Dashuria e tyre gjithashtu shkaktoi një luftë midis Romës dhe Egjiptit, e cila përfundoi në tragjedi. Atëherë kur Antoni dëgjoi se Kleopatra kishte ‘vdekur’ në luftime, ai u shemb mbi shpatën e tij, zemërthyer. Kleopatra dëgjoi për vdekjen e Antonit dhe kreu gjithashtu vetëvrasje. Ashtu si historia e Romeo dhe Xhulietës, ata janë shndërruar në një kulm të historisë së fuqishme, të përjetshme, por tragjike të dashurisë.
3. KASTORI DHE POLUKSI
Kastori dhe Poluksi ishin vëllezër binjakë dhe heronj të lashtë grekë. Kastori ishte i biri i vdekshëm i mbretit të Spartës, ndërsa Poluksi ishte biri i pavdekshëm i Zeusit. Në momentin kur Kastori vdiq, vëllai i tij, Poluksi u godit nga hidhërimi aq shumë, saqë i dhuroi gjysmën e pavdekësisë vëllait të tij. Ata kalonin gjysmën e kohës së tyre në ferr dhe gjysmën e kohës në Olimp, me pjesën tjetër të perëndive të pavdekshëm. A do të hiqnit dorë nga gjysma e përjetësisë për vëllain tuaj?
4. SHAHU JEHAN PERANDOR I INDISË DHE MUMTAZ MAHAL
Shahu Jehan ishte sundimtari i të gjithë Indisë dhe u martua me një grua me emrin Arjumand Banu Begum, e cila më vonë do të merrte titullin Mumtaz Mahal. U martuan dhe jetuan së bashku për shumë vite, ndërkohë që ajo lindi 14 fëmijë. Ajo vdiq gjatë lindjes prandaj Shahu ishte aq zemërthyer, saqë kërkoi ndërtimin e një mauzoleumi për eshtrat e saj. Ne e njohim sot si Taj Mahal, një nga mrekullitë e botës moderne.
5. MBRETI DAVID DHE BATHSHEBA
Mbreti David e pa teksa bënte banjë, ndërsa po shëtiste në taracën e pallatit të tij dhe menjëherë ra në dashuri. Patën një lidhje, e cila rezultoi në një shtatzëni. Që të fshihte krimin e tij, Davidi u përpoq të detyronte burrin e saj që të rikonsakronte martesën e tij, me qëllim që Uriahu të mendonte se fëmija ishte i tij. Por kur dështoi, ai e vendosi Uriahun në vijën e parë të betejës, ku ai u vra nga armiku. Davidi u martua me Bathshebën, tashmë e ve. Pas një përballje me një profet, i cili i përplasi në fytyrë Davidit mëkatin e tij, Davidi u pendua, por fëmija vdiq shpejt pas kësaj, gjë që Davidi e pranoi si dënim. Dhe David dhe Bathsheba më vonë do të lindnin një tjetër djalë, Solomonin. Ky i fundit do të bëhej Mbret i madh në historinë hebraike.
6. HENRI VIII DHE ANA BOLENA
Henri, Mbreti i Anglisë, i cili ishte martuar në atë kohë, ra në dashuri me një shërbëtoren e tij, që quhej Ana. E donte aq shumë divorcin, me qëllim që të mund të martohej me Anën, sa që hyri në konflikt me Kishën Katolike (që shumëkush, në atë kohë, besonte se kontrollonte fatin e shpirtit tonë të pavdekshëm). Edhe pse martesa e tyre do të përfundonte në tragjedi, dashuria e tyre tronditi themelet e qiejve.
7. BONI PARKER DHE KLAJD BERROU
Çifti më i famshëm djalë i keq/vajzë e keqe, që kaluan një histori dashurie të mbushur me krime, të cilët përfshinin vrasje, grabitje, rrëmbime dhe vjedhje. Ishin bashkë në fund, kur u vranë në një përplasje me armë me policinë që po përpiqej t’i arrestonte. Pra, dashuria e tyre e çmendur është shndërruar në një ikonë në mitologjinë amerikane.
8. GILGAMESHI DHE ENKIDU
Epi i Gilgameshit është historia më e vjetër e shkruar, që kemi ndeshur deri tani. Është historia e një Mbreti, i cili bën aventura nëpër botë. Gjatë këtyre aventurave, ai takon një burrë të egër leshator në pyll, me të cilin fillimisht lufton. Më pas, ata bëhen miq të ngushtë dhe kalojnë shumë aventura sëbashku. Enkidu vdes… Gilgameshi është kaq zemërthyer, saqë nis një rrugëtim epik për të gjetur sekretin e pavdekësisë.
9. ORFEU DHE EURIDISI
Orfeu ishte një muzikant legjendar, që mund të magjepste gurët dhe vetë Perënditë. Orfeu njihet më së miri për dashurinë që kishte për të shoqen. E shoqja vdiq nga kafshimi i një gjarpëri, Orfeu udhëtoi në botën e nëntokës dhe magjepsi zotin e të vdekurve, Hadin. Orfeut iu tha se mund ta merrte me vete të shoqen, por me kusht që të mos kthente kokën pas teksa largohej. Fatkeqësisht, ai ktheu kokën pas, për të parë nëse e shoqja ishte ende me të. Euridisi u zhduk menjëherë në errësirë.
10. XHON DHE ABIGEIL ADAMS
Xhon Adams ishte presidenti i dytë i SHBA dhe bashkëshortja e tij do të mbante një korrespondencë shumë pasionante dhe të fortë gjatë Luftës Revolucionare, kur të dy ishin larg. Abigeil ishte një prej këshilltareve të tij më të ngushta dhe mbrojtëset e të drejtave të grave.
11. JOAN UDUERD DHE POL NJUMAN
Ky çift i famshëm i aktorëve bëri që martesa të funksionojë, në një profesion, dhe në një qytet që i shkurajon martesat afatgjata. Ata ishin së bashku për 50 vite, deri në vdekjen e Polit në vitin 2008. Thënia e tij e famshme ishte: “Përse duhet të kërkosh të hash hamburger jashtë, kur ke biftek në shtëpi?”
ObserverKult
————–
LEXO EDHE:
