Abdullah Konushevci: As kanë dashur, as kanë me dashtë kurrë

As rruar jam
As hapur kam dritaret
Errësirës i kam bërë vend
Me më pushtue ngado
I vetëm u linda
I vetëm dua me vdekë

Nuk e besoj më
Lindjen e diellit
Jam mbyllur vetë
Në një burg të errët
I vetëm u linda
I vetëm dua me vdekë

Le të shkojnë të gjitha
Në dreq të mallkuar
As kanë dashur
As kanë me dashtë kurrë
Janë bushtra që u dëbuan
Me legjione djajsh
I vetëm u linda
I vetëm dua me vdekë

Tash po e shoh
Drita është një mashtrim i madh
Mashtrim më i vogël s’është as jeta
I vetëm u linda
I vetëm dua me vdekë

As rruar jam
As hapur kam dritaret
Nuk di pse po vonon e s’po vjen
Me m’i zbutë dhimbjet
Me më marrë në gjinë e saj
Kur e di sa gjatë po e pres
Kur e di me sa zjarr dua
Me pushue me marrë frymë një herë