Aktori i njohur Arben Derhemi, është shprehur i neveritur me shfaqje të tilla si Big Brother, që kanë tërhequr vëmendjen e gjithë shqiptarëve.
Ai kritikon edhe disa nga kolegët e vet, që janë bërë pjesë e shfaqjeve të tilla.
“Për mendimin tim nuk janë formate që i shkojnë shtat një aktori. E para e punës, mbi të gjitha, se është një kohë e humbur e tmerrshme pa asnjë lloj vlere.
Dhe e dyta, nuk mundet një njeri normal të shkoj dhe të gjykohet në një ‘Reality’ të tillë…
Unë nuk e di se si pranojnë njëherë. Po gjithsesi zgjedhja është individuale. U zhvillohet facebook-u dhe instagrami”, thotë ai në një intervistë për Report TV.
Dhe si për t’iu kundërvënë shfaqjeve të tilla pa vlerë si “Big Brother”, Derhemi thotë se shumë shpejt, me iniciativë të tij, në ekran do të rikthehet seriali i famshëm “Njerëz dhe fate”, me seri të reja.
Serial që do të rikthejë në ekran kolosin e skenës shqiptare, Robert Ndrenika.
“Ne shihemi thuajse çdo ditë me Robert Ndrenikën. Është kënaqësi pjesëmarrja e tij në film, ku roli do të jetë shumë më i zhvilluar se në seritë e para”, shprehet aktori Arben Derhemi.
Seritë e reja të “Njerëz dhe Fate” do të kenë edhe aktorë të rinj, por dhe rikthim të kastës së vjetër.
Edhe ata që janë jashtë Shqipërisë, siç është aktorja Pavlina Mani, e cila jeton në SHBA prej shumë vitesh.
“Do të rikthehet 80 për qind e kastës së vjetër…
Pavlina është në Amerikë, por edhe ajo do të jetë pjesë, por do xhirohet dhe atje, në mënyra të ndryshme”, thotë Derhemi.
ObserverKult
Lexo edhe:
ARBEN DERHEMI FLET PËR BIG BROTHER: HUMBJE KOHE, REALITY SHOW PA ASNJË VLERË…
Prej së enjtes së javës së kaluar në Teatrin Kombëtar në Shqipëri mbahet komedia “Çifti”. Shfaqja vijoi edhe së fundi me interpretimin Olta Dakut dhe Arben Derhemit.
Aktori rrëfen për “Report tv” angazhimin e tij në teatër e kinematografi, pjesëmarrjen e kolegëve në Reality Show. Po ashtu ka folur edhe për të rejat e serialit “Njerëz dhe fate” që rikthehet në fundvit.
Një grua dhe një burrë, ku çdokush në sallë mund të gjejë diçka prej vetes, në Teatrin Kombëtar, java mbyllet me komedinë “Çifti” të vënë në skenë nga Altin Basha…
Pjesa moderne e britanikut Duncan Macmillan, e interpretuar edhe nga protagonistët e “The Crown”, Claire Foy and Matt Smith, vjen përmes lojës së Olta Dakut dhe Arben Derhemit.
Tekstin e plotë mund ta lexoni KËTU:
ObserverKult
