Nga: Ben Blushi
Kjo vajzë ishte ulur në një nga stolat e Kievit në mes të qershorit.
Ajo ishte vetëm dhe dukej sikur nuk priste asnjeri. Cigarja ishte i vetmi mik i saj.
Kur e fotografova qeshi dhe nxorri më shumë tym. Ajo kishte qejf që unë ta fotografoja, a thua se donte që njerëzit jashtë Ukrainës të binden se aty jeta vazhdon normalisht se pihet cigare dhe vetmia nuk është e dhimbshme.
Kjo foto është një nga 68 fotot e një ekspozite që arrita të realizoj gjatë 10 orëve qëndrimi të shpejtë në Kiev dhe rrethinat e tij.
Kjo ekspozitë ka dy pamje.
Një pjesë fotosh janë shkrepur mbi gërrmadhat që ka lënë lufta në qytete të bombarduara si Irpin apo Borodyanka, kurse pjesa tjetër tregojnë jetën e përditshme dhe normale të Kievit.
Kjo foto është njëra prej tyre.
Unë e quajta një Cigare në Kiev. Në fakt duhet ta quaja Tym në Kiev, por me siguri do keqkuptohesha, sepse aty nuk ka luftë dhe nuk ka tym.
Tymi i cigares është më i bukur se tymi i luftës.
Dhe natyrisht vret më pak.
Meqë ra fjala, ekspozita ime “Ukraina në 10 orë “, do jetë e hapur çdo ditë deri në datën 30 shtator, në mjediset e COD, në Tiranë.
Aty nuk lejohet cigarja. Një arsye më shumë për të ardhur.
*Titulli i origjinalit: “Cigare në Kiev”
Lexo edhe:
BEN BLUSHI: REPUBLIKA E PLEQVE, TË RINJTË KANË EMIGRUAR MASIVISHT… ÇFARË TRISHTIMI…
Imagjinoni sikur pas 50 vitesh kamarieri që ju shërben të jetë 70 vjeç, me një aparat dëgjimi në vesh, shkak për të cilin mund ta ketë ngatërruar porosinë disa herë dhe në vend të një sallate t’ju sjellë një akullore.
Ose sikur shoferi i taksisë të jetë një plak i kërrusur mbi timon. Sytë e të cilit nuk japin asnjë garanci që do ta gjejnë rrugën pa u përplasur në ndonjë mur. Dhe në një moment të ndalojë dhe t’ju kërkojë t’i jepni ju taksisë sepse ai nuk ka më fuqi...
TEKSTIN E PLOTË E GJENI KËTU
