Pyetësorit të Prustit i përgjigjet sopranoja Blerta Zhegu.
Cila është ideja juaj për lumturinë e përkryer?
-Të mos jesh në kërkim të lumturisë së përkryer.
Cila është frika juaj më e madhe?
-Sëmundja ime ose e njerëzve që dua.
Cilin person të gjallë admironi më shumë?
-Më ka lënë mbresa historia e shkencëtares shqiptare Laura Mersini, kandidate e mundshme për Nobel.
Cili është personaliteti historik më të cilin do të dëshironit të identifikoheshit?
-Ndoshta me Maria Callas-in, por me artisten e jo me gruan.
Cili është tipari juaj që nuk pëlqeni?
-Pesimizmi.
Cili është tipari që nuk pëlqeni tek të tjerët?
-Mediokriteti.
Në cilat gjëra e teproni?
-Në kritika.
Çfarë do t’iu shtynte të gënjenit?
-Ideja që gënjeshtra mund të ishte zgjedhja e duhur në një kontekst të caktuar.
Cili është rrugëtimi juaj i preferuar?
– Ai që më bën të lumtur.
Cilën fjalë apo frazë e përdorni më së shpeshti?
-Nuk është domosdoshmërisht ndonjë fjalë e këndshme e që mund të shprehet publikisht.
Për çfarë ju ka ardhur më keq apo jeni penduar që e keni bërë?
-Nuk jam penduar për asgjë.
Çfarë ose kush është dashuria juaj më e madhe e jetës?
-Do ta zbuloj në fund të jetës.
Cila është gjendja juaj mendore per momentin ?
-Në këtë moment përpiqem ta marr jetën me shumë filozofi.
Nëse do të kishit mundësi të ndryshonit vetëm një gjë tek vetvetja, cila do të ishte ajo?
-Do të doja të isha më e durueshme.
Çfarë konsideroni arritjen tuaj më të madhe?
-Faktin që kam mundur ta vë vetëveten shpesh në provë.
Nëse do të mund të kthenit kohën, çfarë do të ndryshonit?
-Asgjë.
Nëse do të vdisnit dhe do të kishit mundësinë të ktheheshit qoftë si njeri apo send, çfarë personi apo sendi do të zgjidhnit të ishit?
-Një send a qenie jashtëtokësore.
Cila është gjëja me e shtrenjtë që zotëroni?
-Talenti im.
Çfarë konsideroni si mjerimin më të madh?
-Të dish çmimin e çdo gjëje dhe vlerën e asgjëje.
Ku do të dëshironit të jetonit?
-Në Paris, aty ku jetoj momentalisht.
-Çfarë vlerësoni tek një mashkull?
Sinqeritetin.
Çfarë vlerësoni tek një femër?
-Aftësinë për të falur.
Cili është shkrimtari i juaj i preferuar?
-Gjyshi im, Mithat Araniti.
Cilët janë heronjtë tuaj në jetën e vërtetë?
-Njerëzit e lire.
Cilin talent do të dëshironit të kishit?
-Do të doja të isha më sportive.
Si do të dëshironit të vdisnit?
-Në gjumë.
Cila është motoja juaj?
-“E ardhmja u përket atyre që besojnë në bukurinë e ëndrrave të tyre.”/ ObserverKult
