Albert Kamy: Mos ki frikë të rrish vetëm… ti ke nevojë të marrësh frymë…

Nga Albert Kamy

“Gjej kuptimin. Ndaje melankolinë nga trishtimi. Dil për një xhiro. Nuk ka pse të jetë shëtitje romantike në park, pranvera është në çastin e saj më spektakolar.

Lulet, aromat dhe pamjet e shkëlqyera poetike do të të rrëshqasin lehtësisht në një tjetër botë. S’ka pse të jetë një shëtitje nga ato ku zbulohen misteret e jetës dhe gjërat që asnjë tru tjetër nuk arriti t’i gjejë.

Mos ki frikë të rrish vetëm. Gjen apo nuk gjen kuptim s’ka rëndësi, por “vidh” pak kohë dhe jepja bujarisht, vetëm vetes tënde.
Kërko intimitet dhe vetmi.

Kjo nuk të bën asocial dhe as nuk do të thotë se po braktis botën.
Ti ke nevojë të marrësh frymë.
Dhe ke nevojë, thjesht të jesh.”

ObserverKult

Lexo edhe:

ALBERT CAMUS ËSHTË VRARË NGA KGB?

Gjashtëdhjetë vjet pasi fituesi i çmimit Nobel, Albert Camus, vdiq në një aksident automobilistik në moshën 46-vjeçare, një libër i ri argumenton se ai është vrarë nga spiunët e KGB-së, për shkak të retorikës së tij kundërsovjetike.

Autori italian, Giovanni Catelli, fillimisht e nxori në dritë këtë teori në vitin 2011, duke shkruar në gazetën Corriere della Sera se kishte zbuluar shënime në ditarin e poetit dhe përkthyesit çek, Jan Zábarana, që sugjeronte se vdekja e Camus nuk kishte qenë aksidentale. Tashmë Catelli e trajton më gjerësisht kërkimin e tij në një libër të titulluar “Vdekja e Camus”.

Camus vdiq më 4 janar 1960 kur botuesi i tij, Michel Gallimard, humbi kontrollin e makinës dhe u përplas më një pemë.

Autori vdiq menjëherë, ndërsa Gallimard-i disa ditë më pas. Tre vite më parë, autori i romaneve “I huaji” dhe “Murtaja”, kishte fituar çmimin Nobel për “hedhjen e dritës mbi problemet e ndërgjegjes njerëzore në kohën tonë”.

“Aksidenti dukej se ishte shkaktuar nga një plasje e gomës ose nga thyerja e boshtit; ekspertët u habitën që ndodhi në një rrugë të drejtë e të gjatë, me gjerësi prej nëntë metrash dhe me pak lëvizje në atë orar”, shkroi Herbert Lottman në biografinë e tij të vitit 1978 për shkrimtarin. 

Tekstin e plotë mund ta lexoni KËTU:

ObserverKult