Nga Carl Gustav Jung
Por çfarë dëshironi të pushtoni akoma? Ju nuk mund të pushtoni më shumë se toka. Dhe çfarë është toka? Është e gjitha e rrumbullakët, një pikë e pezulluar në univers.
Ju nuk mund të arrini diellin, as fuqia juaj nuk mjafton as për hënën e shkretë; nuk mund të nënshtrosh detin, borën e poleve apo rërën e shkretëtirës, por në fund të fundit vetëm disa rripa toke të gjelbëruara.
Dhe pushtimet tuaja nuk janë as të gjata. Nesër sovraniteti juaj do të bëhet hi, sepse mbi të gjitha – dhe të paktën – duhet t’i nënshtroheni vdekjes.
Pra, mos u çmendni dhe hiqni armët. Vetë Zoti e ka copëtuar armën tënde në një mijë copa.
Armatura juaj le të jetë e mjaftueshme për t’ju mbrojtur nga të çmendurit që ende mendojnë për pushtimet.”
(Carl Gustav Jung (1875-1961), Libri i Kuq, Liber Secundus, kapitulli IX)
(Marrë nga profili në Facebook i Saimir Kadiut)
ObserverKult
Lexo edhe:
KARL GUSTAV JUNG, PSIKIATRI QË “KRIJOI” NJERIUN E NËNTËQINDËS
Ai ishte një nga më të mëdhenjtë e shekullit të njëzetë, ai zbuloi se në detin e madh të të pavetëdijshmes ekziston identiteti ynë personal, por edhe një trashëgimi universale që ka të bëjë me të gjitha qeniet njerëzore. Dhe një rrëfim për përplasjen me Freud-in, që e vuri dishepullin para dilemës: të ishte besnik i mësuesit, apo besnik i idesë?
Pak mendimtarë kanë patur ndikim mbi mendimin e shekullit 20 si Carl Gustav Jung. Mendimi i tij është shumë më popullor, nga sa mund të mendohet.
Dhe shumë nga termat që ai krijoi, kanë hyrë tashmë në hapësirën e gjuhës së zakonshme. Kur themi, për shembull, se Inspektori Montalbano ka fytyrën e Zingarettit, dhe që tani kushdo që lexon romanet e tij sheh atë fytyrë, ne përdorim konceptin e të pavetëdijshmes kolektive në një mënyrë sipërfaqësore, por jo plotësisht të gabuar.
Tekstin e plotë mund ta lexoni KËTU:
ObserverKult
