Në jetën e Margarita Xhepës ishte një dashuri e madhe: Xhaviti. Ai gjithashtu aktor, por në Teatrin e Kukullave, megjithatë i bashkoi arti zemrat dhe qeniet e tyre.
Në një intervistë, kohë më parë, “Në kurthin e Piter Pan” në Tv Klan, Margarita Xhepa përkufizoi jetën me bashkëshortin e saj dhe raportin e veçantë mes tyre.
“Në radhë të parë ishim artistë të dy, edhe ai ishte artist, edhe unë, na bashkoi arti. Vija re tek ai njeri që të parën kishte qytetari, kishte fisnikëri, sepse vinte nga një familje fisnikësh, nga një familje me emër të mirë. Kjo ka të bëjë shumë sepse fëmijët, kryesorja janë familja, edukata që marrin.
Pikërisht mençuria, dëshira për artin na bashkoi. Ai e donte shumë artin, por edhe unë e doja. Të dy punonim, sugjeronim njëri-tjetrin, ndihmonim njëri-tjetrin. Ka qenë gjë shumë e bukur”, tha ajo.
Profesioni i përbashkët ndikonte në mirëkuptimin mes tyre. Pavarësisht roleve, kontakteve me njerëz të tjerë, asnjëri nuk bëhej xheloz për tjetrin sepse e dinin që dashuria e vërtetë ishte ndryshe, pikërisht ajo që mbanin në zemrat e tyre.
“As na ka shkuar ndërmend sepse edhe ai ishte artist, kishte partnerët e vet, edhe unë. Në asnjë mënyrë sepse ajo është një truk, fundi i fundit ne art që bëjmë, kurse dashuria e vërtetë shprehet ndryshe. Por truket që përdorim në film dhe role janë tjetër gjë dhe ne e kuptonim mirë njëri-tjetrin”, tha Margarita Xhepa.
Kur aktorja ishte 52 vjeçe, Xhaviti u nda nga kjo botë dhe kjo e bëri Margarita Xhepën t’i përkushtohej plotësisht tre djemve, krenarisë së tyre më të madhe.
“Tre djem, njëri më i mirë se tjetri, kjo ka qenë dashuria e madhe, sepse bashkë me Xhavitin i kemi rritur këta tre djem dhe më vjen mirë që morën diçka.
Por më tepër kanë marrë nga babai i tyre sesa nga unë, kështu them unë. Kështu që na u bënë të mirë dhe kjo është krenaria e prindërve.
Dolën në jetë për veten e tyre, për neve që na kanë dhënë kënaqësi, por edhe për shoqërinë, për punët që bënin”, tregoi aktorja e madhe.
/ aktorëtshqiptarë
ObserverKult
Lexo edhe:
NËSE KENI PYETUR NDONJËHERË/ MARGARITA XHEPA TREGON SEKRETIN E JETËGJATËSISË
Artistja e madhe shqiptare, Margarita Xhepa, është një nga aktoret ikonë të kinematografisë shqiptare. Margarita Xhepa ka qenë e ftuar në spektaklin “Në Kurthin e Piter Pan” në Tv Klan. Artistja ka treguar sekretin e bukurisë dhe jetëgjatësisë së saj.
“Deri sa rroka njeriu kaq gjatë, unë them nga lodhja e madhe? Nga durimi i madh? Sepse njeriu në jetë kalon hidhërime, gëzime, ato gërshetohen, jeta kështu është, edhe gëzime edhe hidhërime. Por ama puna qenka gjë e madhe, lëvizja është jetë.
Tekstin e plotë mund ta lexoni KËTU:
ObserverKult
