Muzikali i ri për Dianën, Princesha e Uellsit, do të shfaqet fillimisht në një shërbim transmetimi, përpara se të shfaqet zyrtarisht në skenë.
Muzikali, që ndjek Dianën nga një nuse e re përmes martesës së saj me Princin Charles, ishte në shfaqjet paraprake, kur teatrot e Nju Jorkut u mbyllën vitin e kaluar.
Muzika e tij është shkruar nga instrumentisti i grupit Bon Jovi, David Bryan.
Diana luhet nga aktorja britanike Jeanna de Waal, e cila e ka përshkruar muzikalin si “historia e arritjes së moshës madhore” për një grua “që gjen fuqinë e saj”.
“Diana: The Musical” do të jetë në dispozicion në Netflix më 1 tetor, më shumë se dy muaj para hapjes së tij të planifikuar në Broadway më 16 dhjetor.
Netflix duket si shtëpi ideale për “Diana: The Musical”, duke qenë se gjiganti i streaming është gjithashtu producent i serialit dramatik mbretëror “The Crown”./rtklive
