Virgjini Mile Ristani, dikur një këngëtare e shquar e Ansamblit të këngëve dhe valleve në Berat dhe më pas në Tiranë, rrëfen mes lotësh duke kujtuar me nostalgji vitet e aktivitetit të saj artistik por foli edhe më gjerë mbi momentet kyçe të jetës.
E ftuar në emisionin ‘Abc e Pasdites’ ajo tregon se sot jeton krejt e vetme me një pension minimal dhe detyrohet të shesë lule.
“Jo vetëm Ansambli që më mungon shumë, por më mungojnë këngët. I dua shumë, i dashuroj. Edhe spektatori. Me Ansamblin e Beratit patëm shumë suksese të njëpasnjëshme.” – shprehet Virgjinia teksa kujtonte kohët e shkuara.
Në moshën 72-vjeçare, Virgjinia humbi bashkëshortin, të ndjerin Thimio Ristani dikur akrobat i cirkut në vend. Kjo humbje e madhe e la Virgjininë të vetme si pasojë edhe e pamundësisë për të pasur fëmijë. Ajo shpreh se fati nuk e deshi që të ndërtonin një familje të madhe, por dashuria nuk mungoi deri ditën e fundit.
“E vështirë shumë është, ne shkonim shumë mirë. Si dy zogj na thonim. Me kujtimin më të mirë ka ikur, jo vetëm nga mua por nga të gjithë njerëzit që e njihnin edhe e donin.” – tha e prekur zonja.
Virgjinia tregon se sot jeton nëpërmjet një pensioni minimal prej 1.800 lekësh dhe mungesa ekonomike e ka detyruar të shes lule në anë të rrugës. Sipas saj, fillimet me lulet qenë të sikletshme por ajo nuk ndaloi së tregëtuari trëndafilat që i rrit me përkujdesje në kopshtin modest mbrapa shtëpisë.
“Unë kam shumë trëndafila, edhe lule të tjera në shtëpi. Më thotë dikush, shiti ato trëndafilat. Jo se është turp i thashë. Bëra një tufë me trëndafila dhe i vura te parvazi afër shtëpisë. I vura atje. Ecja rrugës dhe thoja ‘pse e ula veten unë?’ më vjen një zonjë dhe më thotë ‘Ku i shet ato ti? Bjermi mua.’ Aty plasi cipa.” – tha me humor 82 vjeçarja.
Për kënaqësinë e shikuesve, Virgjini Mile Ristani këndoi dhe copëza nga këngët e njohura të Beratit. / abcnews.al
ObserverKult
Lexo edhe:
KËNGËTARJA SHQIPTARE HABIT ME RRËFIMIN E SAJ: ENVER HOXHA MË DONTE SHUMË, MË FTOI NË…
Ajo nuk e fsheh se ka qenë një nga këngëtaret e preferuara të udhëheqjes komuniste. Ka kënduar nëpër mbledhje, takime delegacionesh, madje dhe në ditëlindjen e diktatorit.
Naile Hoxha, një nga emrat më të mëdhenj të muzikës popullore shqiptare, tregon se si ia nisi rrugës së muzikës, si erdhi në Tiranë me kërkesën e Enver Hoxhës. Kjo për të ndërtuar një karrierë gati 60-vjeçare.
Tekstin e plotë mund ta lexoni KËTU:
ObserverKult
