Dritëro Agolli: Pas vdekjes sime disa do kënaqen…

E di se pas vdekjes sime disa do kënaqen,
Do flasin: i mbylli sytë, e kyçi gojën lugati,
Se mjaft na ka prishur mendjen dhe paqen,
Se tepër litarin e kohës e zgjati.

E di se gëzimi i tyre i shkurtër do jetë,
Pas vdekjes sërishmi  kam për t’u dalë
Me nofullë të rrjepur nga qindra faqe e fletë:
“Jam gjallë, a doni të hamë së bashku një ngjalë”?