Do jetë mëngjes dhe unë do vij patjetër.
Mbi xhaketën time do kenë rënë petale
Nga lulet e kumbullës së vjetër,
Nga lulet e thanës së thartë.
Aherë ti s’do jesh zgjuar akoma.
Unë do them emrin tënd në xhame
Dhe do vërshëllej të dashurën këngën tonë:
“Ti çele herët, moj bajame!”
Do vërshëllej ngadalë-ngadalë
E s’do prish gjumin tënd të bukur,
Do bien mbi mua petale
E do ulet në sup një flutur…
E, kur sytë të hapësh, do shohësh
Romantikun e përjetshëm në xhame
Dhe këngën e dashur do njohësh:
“Ti çele herët, moj bajame!”
ObserverKult
