Lermë t’i shoh plantacionet e trupit tënd;
Jam bujk i veçantë e si bujk më vjen mirë:
Dy buzët, qershitë me lëng,
Ku hesht një mall, një psherëtirë.
Lermë t’i shoh plantacionet e trupit tënd,
Të mbjellat aq të begata:
Dy kodrat e gjoksit që të lënë pa mend,
Luginën mahnitëse mes kofshëve të bardha.
Lermë t’i shoh plantacionet e trupit tënd:
Fushëzën joshëse nën këmishë,
Në mesin e fushës cipëz argjend
Gropkën kërthizë…
