Këngëtarja shqiptare me famë botërore, Dua Lipa, i është bashkuar fushatës
sensibilizuese të Vasfije Krasniqi Goodman.
Këtë e bëri të ditur vet ajo nëpërmjet një postimi në rrjetet sociale ku u shfaq me
pankartën në fjalë, shkruan ‘gazetablic’.
“Bashkojuni Vasfije Krasniqit në ‘Së bashku për drejtësinë e saj’ më 28 tetor në
New York.
Vasfija është një e mbijetuar dhe aktiviste e të drejtave të njeriut, e
cila ka qenë një mision si avokate e të mbijetuarve nga Kosova dhe e gjithë bota
duke kërkuar drejtësi për krimet e pandëshkuara gjatë luftës në Kosovë”, ka
shkruar Lipa.
Kjo fotografi e Dua Lipës është postuar edhe nga Vasfije Krasniqi e cila u shpreh falënderuese ndaj këngëtares.
———————————————————-
LEXO EDHE: DUA LIPA NIS XHIRIMET E FILMIT TË SAJ TË PARË
Një yll botëror do të mungojë në eventin Met Gala dhe ajo është këngëtarja shqiptare me famë ndërkombëtare, Dua Lipa.
Artistja e famshme nuk do të jetë e pranishme në gala eventin për shkak të angazhimeve në një profesion të ri, aktrimin.
Sipas burimeve të TMZ, 26-vjeçarja ishte e ftuar në mesin e shumë personazheve për mbledhjen e fondeve në NYC (në Met Gala).
Mungesa e saj do të jetë për arsye se Dua Lipa ka nisur xhirimet e filmit të saj të parë “Argylle”, transmeton ‘diasporashqiptar.al’.
Ylli i hitit “Levitating” do të luajë përkrah emrave më të mëdhenj të Hollywoodit si: Samuel L. Jackson, Henry Cavill, Bryan Cranston, Bryce Dallas Howard, John Cena, Sam Rockwell dhe Catherine O’Hara.
Ndërkohë, Met Gala do të mbahet të hënën, 13 shtator, hera e fundit kur Dua u shfaq në këtë event ishte viti 2019.
Në mesin e yjeve që do të parakalojnë në tapetin e kuq ku do të shfaqen emra tjerë të të janë yjet si: Jennifer Lopez, Rihanna, Beyonce, Harry Styles, Camila Cabello, Addison Rae dhe Lewis Hamilton.
