Këngëtarja me famë botërore, Dua Lipa po shijon prej disa ditësh pushimet në jug të Shqipërisë, bashkë me familjen dhe partnerin e saj, Anwar Hadid. Duket se ajo po argëtohet vërtetë, pasi këtë ka arritur ta trasmetojë edhe nëpërmjet postimeve në rrjetet sociale.
Dua nuk ka nguruar të ndajë me ndjekësit e saj edhe vizitat e ndryshme që ka realizuar si ajo më e fundit në Parkun Kombëtar të Butrintit.
Ndërkohë, së fundi, artistja ka publikuar një video vërtetë të bukur, në të cilën shfaqej duke kërcyer këngën e “Qyqekut” me një gotë në kokë dhe shami në dorë, transmeton ‘diasporashqiptare.al’.
Mirëpo, duket se ky moment nuk ka kaluar as pa vëmendjen e mediave ndërkombëtare, pasi ka qenë pikërisht tabloidi britanik, Daily Mail. Ky i fundit i ka dedikuar një artikull Duas, ku flet për pozat sensuale dhe veshjet me klas të 25-vjeçares. Gazeta tregon për origjinën e artistes dhe vendodhjen e fotove.
Ndër të tjera, Daily Mail kujton se këngëtarja e shumë hiteve erdhi në Tiranë, për t’iu bashkuar nismës “Adopto një Kopsht”, pasi ndërtimi i kopshtit numër 42 në kryeqytet do të financohet nga “Sunny Hill Foundation”.
LEXO EDHE: Paditet Dua Lipa, shkak bëhet një fotografi e publikuar
