Ministri i Jashtëm i Greqisë, Nikos Dendias ka publikuar disa foto nga ekspozita e kryeministrit shqiptar, Edi Rama, e hapur në Athinë.
Në pamjet e publikuara, kreu i qeverisë, i cili ndodhet në një vizitë dyditore në Athinë, shihet ndërsa i prezanton punët e tij homologut grek Kyriakos Mitsotakis.
“Me kryeministrin e Greqisë Kyriakos Mitsotakis dhe Edi Ramën në Hapjen e Ekspozitës së kryeministrit të Shqipërisë me titull “Improvizimet”, ku prezantohen vepra dhe skulptura,” shkruan Dendias në postimin e tij në Twitter.
Ekspozita që mban emrin “Improvizimet” është inauguruar nga kryediplomati grek Dendias në “Zapion Megaro” në kryeqytetin grek.
Në çelje të ekspozitës, Rama ka folur për audiencën. Po ashtu ka falënderuar ministrin e Jashtëm grek Nikos Dendias dhe organizatorët e eventit.
“Do të doja të flisja disa fjalë greqisht për t’ju adresuar kësaj audience të bukur. Jam shumë mirënjohës për këtë mikrpritje mbresëlënëse dhe për këtë event special.
Është hera e parë që vizitoj një shtet si kryeministër që nuk kam në çantën time vetëm shënimet e mia, por edhe artin tim”.
Rama e cilësoi veten “artisti më i mirë mes të gjithë kryeministrave”, ndërsa tregoi se ekspozita është një version i zyrës së tij në Kryeministri.
“Kur vizatoj në zyrën time, nuk mendoj se çfarë po bëj me duart e mia, por lejoj sytë e mi të veprojnë. Ndërsa koka është tërësisht e përqendruar në temat që po diskutoj me bashkëpunëtorët e mi ose vendime që duhet të marr”.
Rama ftoi audiencën të shohë veprat e tij, pasi sikurse u shpreh “arti s’ka nevojë për përkthim”.
“Është krenari që më pritët në këtë pallat që ka një histori të jashtëzakonshme. Nuk mendoj që arti ka nevojë të përkthehet, arti flet vetë. Arti nuk është për t’u treguar njerëzve çfarë shohin, por për t’u treguar çfarë ata nuk shohin”.
Në fund të fjalës së tij, Rama falënderoi bashkëshorten Linda Rama që “e mbështet dhe e ndihmon të jetë njeri më i mirë”.
Mes batutash, ai u shpreh se “garën si artist mes nesh e ka fituar ajo, pasi ka krijuar Zahon, që është një kryevepër”./gazetatema
ObserverKult
Lexo edhe:
PIKTORI I NJOHUR: EDI RAMA ZURI KARRIGEN TIME NË AKADEMI, ISHTE STUDENT MJAFT I TALENTUAR
Piktori i njohur shqiptar, Kujtim Buza ka bërë një rrëfim të rrallë për të gjithë krijimtarinë e tij artistike në “Pas Mesnatës”.
Ai ka folur për gjithçka. Nga trashëgimia e pikturës ndër breza në familje, nëna e tij që ishte modelja e parë nudo dhe deri te zhvillimi i këtij arti në ditët e sotme.
Buza ka treguar se kur doli në pension në vitin ’93, ia pasoi vendin kryeministrit aktual Edi Ramës. Ai theksoi se kjo ka qenë “karrigia e parë” e Ramës dhe ky i fundit ishte një student mjaft i talentuar.
Tekstin e plotë mund ta lexoni KËTU:
ObserverKult
