Në Ulqin, pas ekspozimit me sukses dhe ofrimit për pushuesit e shumtë të librit nga vendet e rajonit, çelet edicioni i 7-të i Kolonisë së Piktorëve nga Shqipëria, Mali i Zi, Kosova, Maqedonia, Bosnja dhe Hercegovina, Serbia dhe Kroacia.
Në këtë koloni artistike do të marrin pjesë pesëdhjetë e pesë piktorë ballkanikë, të cilët do të njoftohen me perlat e natyrës së bukur të Ulqinit, qytet shqiptar në Mal të Zi.
Kolonia do të fillojë më 14 shtator dhe do të zgjasë deri më 17 shtator 2023.
Ekspozita e punimeve të realizuara gjatë kolonisë në fjalë do të mbahet në ditën e diel, 17.09.2023, ora 11.00, në mjediset e resortit LLolla, Ulqin.
ObserverKult
Lexo edhe:
PIKTORI ‘QËNDIS’ MURIN TE “UJI I FTOHTË” NË VLORË ME PORTRETET E 5 FIGURAVE HISTORIKE SHQIPTARE
Piktori i muraleve, Bledar Çakalli ka realizuar një tjetër vepër arti. ‘Artisti i rrugëve’ që me talentin e tij ka zëvendësuar shkarravinat banale me portretet e heronjve kombëtarë që përçojnë historinë e vendit tonë, ka pikturuar në Vlorë 5 figura të njohura shqiptare.
Tek “Uji i ftohtë” në Vlorë, Bledari ka pikturuar në mur, Gjergj Kastriot Skënderbeun, Ismail Qemalin, Isa Boletinin, Adem Jasharin, dhe Muharrem Rushitin e Çamërisë.
Për të realizuar këtë punë artistike, piktori Bledar, shkruan se ka pasur ndihmën e 3 shqiptarëve të njohur, brenda e jashtë vendit.
I pari që ka kontribuar që Bledari të kryejë këtë pikturë artistike në mur, ka qenë shqiptari i Amerikës, Angelo Bushi…
Tekstin e plotë e gjeni duke klikuar KËTU
