Profesor Edmond Tupja në një intervistë në Vizion Plus tha se kryeministri Edi Rama e mban veten për “dashnorin” më të madh të gjuhës shqipe.
Ndërsa fliste për mënyrën se si po zhduket gjuha shqipe dhe fjalët po përzihen me gjuhë të tjera, ndërkohë që kanë gjegjëse, Tupja rikujtoi frazat e përdorura nga kryeministri Rama.
Sipas tij njerëzit që e ndjekin atë, ose e pëlqejnë aq sa e pëlqejnë marrin shembull dhe e kthejnë këtë në të folur standarde.
Thotë “s’bën sens”, në vend të “s’ka kuptim”. Ose “jam i keqardhur”, në shqip nuk ka “jam i keqardhur” por “më vjen keq”.
“Marrëveshja u dakortësua”, Ç’është kjo? “U arrit marrëveshja”, thuhet në shqip. Ose përdor fjalën “jam i surprizuar” dhe kështu gjithë familja e fjalës “befasoj” ikën nga fjalori.
Sipas tij, politikanët kanë kompleks inferioriteti dhe duan ta mbulojnë këtë me fjalë të bukura./ Vizion Plus
ObserverKult
Lexo edhe:
EDMOND TUPJA: SHQIPJA NJË NGA 3 GJUHËT MË TË VJETRA NË BOTË, RREZIKON ZHDUKJEN SI LATINISHTJA E GREQISHTJA E VJETËR
Përkthyesi dhe shkrimtari i njohur Edmond Tupja deklaroi se gjuha shqipe është një nga 3 gjuhët më të vjetra.
I ftuar në “Mes dy botëve” të Helidon Halitit në RTSH, Edmond Tupja jep alarmin e zhdukjes së gjuhës sonë si pasojë e globalizimit.
“Shqipja është një gjuhë shumë më e vjetër. E kanë thënë gjuhëtarë të paanshëm. Edhe në revista shkencore thuhet që 3-4 ishin gjuhët më të vjetra, sepse të jep çelësin për gjuhët indoevropiane. Të ndihmon që t’i të kuptosh dhe për gjuhë të kaluara që janë zhdukur.
Gjuha shqipe është shumë më e vjetër, e treta në botë për gjuhët indoevropiane, por të bësh debate për këtë dhe të harrosh ku po shkon sot gjuha shqipe?! Luftoni për origjinën, po kryesorja është ku po shkojmë?
Tekstin e plotë mund ta lexoni KËTU:
ObserverKult
