Një skenë është ngritur për koncert në Podujevë. Por, erërat e forta që po fryjnë e kanë rrëzuar atë duke i shkaktuar lëndime dy qytetarëve.
Të dy qytetarët raportohet se janë persona të mitur.
Ngjarja ka ndodhur në sheshin “4 dëshmorët” në qytetin e Podujevës.
Burime të Indeksonline thonë se njëri prej fëmijëve, vajzë, ka lëndime më të rënda trupore. Që të dy janë nisur drejt emergjencës.
Edhe policia e Kosovës është duke u marrë me rastin.
