Festivali i Teatrit Shqiptar “Moisiu” do të filloj nga sot në Tiranë, e do të zgjasë deri më 27 nëntor. Së fundi, organizatorët zhvilluan një konferencë për mediet, në ArTurbina.
Në fjalën e tyre, drejtuesit e teatrove, Adem Karaga (Teatri Shqiptar i Shkupit), Altin Basha (Teatri Kombëtar i Shqipërisë) dhe Kushtrim Sheremeti (Teatri Kombëtar i Kosovës) theksuan rëndësinë e këtij festivali për zgjerimin e bashkëpunimit të vendeve tona në fushën e teatrit, ekipeve të brezave, atyre më të rinj dhe më me përvojë, shijeve estetike, takimeve dhe debateve me fokus përmirësimin.
Shfaqjet e festivalit do të kenë hyrje të lirë për spektatorët, për t’u dhënë mundësinë secilit të ndjekin nga afër punën e regjisorëve, aktorëve, skenografëve, kostumografëve, kompozitorëve.
Gjatë takimit të parë në vigjilje të këtij festivali u shpallën edhe anëtarët e jurisë. Vendi pritës, Shqipëria, ka një anëtare jurie, aktoren Yllka Mujo, ndërsa miqtë, nga dy anëtarë. Teatri Shqiptar i Shkupit ka angazhuar aktorin Dritëro Ame dhe gazetaren e publicisten Diana Toska, ndërsa Teatri Kombëtar i Kosovës, aktorët Armond Morina dhe Shengyl Ismaili.
Edicioni i dytë i “Moisiu-t” do të mbyllet me bashkëprodhimin e tri teatrove, “Shtëpia e Zotit” me autor Ledian Gjeçi dhe regji nga Ilir Bokshi. Kjo shfaqje është jashtë garës.
Festivali “Moisiu” është mbajtur në Shkup vitin e kaluar, këtë vit në Tiranë dhe vitin e ardhshëm do ta mikpresë Prishtina.
Çmimet që do të ndahen në festival janë si më poshtë:
Shfaqja më e mirë
Regjia më e mirë
Aktori më i mirë
Aktorja më e mirë
Aktori i dytë më i mirë
Aktorja e dytë më e mirë
Aktori i ri ose aktorja e re më e mirë
Skenografia më e mirë
Kostumografia më e mirë
Kompozitori ose kompozitorja më e mirë
Çmimi i dramës shqipe
Çmimi i karrierës./ata.gov.al
ObserverKult
Lexo edhe:
FESTIVALI I TEATRIT SHQIPTAR “MOISIU” SIVJET MBAHET NË TIRANË
Nga 20 deri më 27 nëntor, në Tiranë do të mbahet festivali i teatrit shqiptar i cili mbledh shfaqje nga të gjitha teatrot shqiptare.
Shfaqjet kosovare, të cilat prezantohen në kuadër të Teatrit Kombëtar të Kosovës janë: “Fausti”, “Hana po fluturon”, “Masë për masë” dhe “1984”. Në këtë edicion gjithashtu do të luhet premiera e kooproduksionit të parë të teatrove kombëtare shqiptare. Bëhet fjalë për “Shtëpia e Zotit” me regji të Ilir Bokshit.
Tekstin e plotë mund ta lexoni KËTU:
ObserverKult
