Gjergj Kaçinari me këngën “Shko dallëndyshe”, teksti nga poezia e shkruar nga Filip Shiroka, fitoi vendin e parë në festivalin e këngës qytetare shkodrane “Luleborë”.
Këtë vit konkuruan 18 këngë, të gjitha të kënduara live dhe për herë të parë nga këngëtarë nga Shkodra, Shqipëria dhe Kosova.
Për drejtorin artistik Markelian Kapedani, në çdo edicion, festivali ka progres.
Edhe më të vegjlit në festival, Ea Zogaj dhe Aseld Muca, merituan çmimin e tretë dhe morën duartrokitjet e publikut me një kënge për paqe në zonat e luftës.
“Luleborë” është festivali i dytë shtetëror në Shqipëri dhe konceptohet si një festë e muzikës, që organizohet nga Bashkia Shkodër në bashkëpunim me institucionet kulturore të qytetit./ Top Channel
ObserverKult
Lexo edhe:
KËNGA “SI N’ANDËRR” SHPALLET FITUESE E FESTIVALIT “LULEBORË”
Kënga “Si n’andërr” interpretuar nga Rezarta Smaja, kompozuar nga Florent Boshnjaku dhe me tekst të Arjola Zadrimës u shpall fituese e edicionit të 6-të të festivalit “Luleborë”, mbajtur në teatrin “Migjeni” të Shkodrës
Në këtë manifestim që u zhvillua për dy net me radhë, u prezantuan 16 këngë të reja që u përzgjodhën mes 34 kompozimeve.
Të gjitha artistët pjesëmarrës interpretuan këngët “live”. Dhe u shoqëruan nga orkestra e dirigjuar nga Jetmir Barbullushi, Glid Kraja dhe Ilir Zoga.
Festivali u drejtua nga gazetari Enkel Demi e këngëtarja shkodrane Rosela Gjylbegu. E cila pasuroi mbrëmjen me interpretimin e dy këngëve të vjetra shkodrane.
Tekstin e plotë mund ta lexoni KËTU:
DËGJOJENI KËNGËN E NJOHUR “LULEBORË” TË INTERPRETUAR SHKËLQYESHËM NGA ALEKSANDËR GJOKA (TEKSTI DHE KËNGA)
Aleksandër Gjoka është këngëtar dhe autor këngësh shumë i njohur. Deri më tani ai ka disa këngë të incizuara por ndër më të njohurat janë “Kuturu”, “Ditë dimri”, “Falmi sytë e shkruar” etj.
Në vazhdim ua sjellim këngën “Luleborë” të intepretuar mjeshtrisht nga Aleksandër Gjoka.
Tuj shëtitur n’mal e n’kodër,
tuj prek lulet t’gjith me dorë,
veç n’nji kopsht ma t’bukrin n’Shkodër,
ty të gjeta luleborë.
Je e vogël por e plotë,
ty t’kërkoj un’ tash sa mot,
tash sa mot un ty t’kërkoj,
gëzim me ty jetën ta çoj.
Eja, eja luleborë,
se me ty do thur kunorë.
Eja, eja luleborë,
se me ty do thur kunorë.
Tekstin e plotë të këngës mund ta lexoni KËTU:
ObserverKult
