Filmi i gjatë artistik ‘Vera Andrron Detin’ me regji të Kaltrina Krasniqit dhe skenar të Doruntina Bashës, i cili është në fazën e postproduksionit do të jetë pjesë e programit ‘Work in Progress’ në kuadër të festivalit në Sarajevë.
Filmi ka për personazh kryesor një 64-vjeçare përkthyese e gjuhës së shenjave, që jeton në Kosovë. Ajo e sfidon burrin e saj patriarkal me qëllim që të mbrojë vajzën e saj, të cilën ai e ka mohuar, transmeton ‘koha’.
Filmi “Vera Andrron Detin” me producent Shkumbin Istrefin, është bashkëprodhim i Puntoria Kreative Isstra (Kosovë), Dream Factory (Maqedoni e Veriut) dhe Papadhimitri Production (Shqipëri), dhe është mbështetur nga Qendra Kinematografike Kosovës, Agjencioni i Filmit i Maqedonisë së Veriut dhe Qendra Kombëtare e Kinemaografisë në Shqipëri.
Linku zyrtar i festivalit: https://www.sff.ba/en/news/11353/cinelink-announces-line-up-for-work-in-progress-2020
