Regjisorja shqiptaro-zviceriane Dea Gjinovci, në një intervistë për “Tribune de Geneve” flet rreth filmit dokumentar të saj “Zgjimi në Mars” (Wake Up On Mars).
Gjinovci ka studiuar Ekonomi dhe Politikë në SOAS në Londër dhe Shkenca në Paris. Ka kryer Master për Antropologji dhe Film Dokumentar. Është prodhuese e regjisore filmash dhe është vlerësuar me disa çmime për punën e saj.
Shqiptarja nga Gjeneva, Dea Gjinovci filmoi një familje kosovare, vajzat e së cilës ranë në koma pasi u refuzua një kërkesë për azil.
Ajo që thotë “Zgjimi në Mars” është sfera e të pashpjeguarit. Ngjarjet ndodhin në Suedi, në kontekstin e azilkërkuesve, dhe përqendrohen në një familje kosovare, me të njëjtën origjinë si kineastja Dea Gjinovci, e cila ka lindur në Gjenevë dhe është shkolluar atje. Kur kërkesa e kësaj familje refuzohet, dy vajzat e mëdha bien në koma. Për më shumë se tre vjet. Ky mister mjekësor ka një emër: “sindroma e dorëzimit”. Kjo është tema e këtij dokumentari i cili përpiqet të zhytet në këtë familje ndërsa shqyrton origjinën e kësaj sëmundje kurioze.
“Kam dëgjuar për këtë familje përmes një artikulli në “New Yorker”, thotë regjisorja, gjatë intervistës. Shkova ta takoja në Suedi. Në të njëjtën kohë, pashë edhe familje të tjera. Disa prej tyre me fëmijë që kishin dalë nga koma. Pra nuk ishte një rast i izoluar”. Sa i përket aludimit në Mars, ai nuk është artificial, shkruan “Tribune de Geneve”. Vëllai i vogël i dy motrave, Furkani, iu përvesh punës për të ndërtuar një raketë për të jetuar në Planetin e Kuq, një ëndërr e fëmijërisë që është gjithashtu një formë reagimi ndaj traumës së përjetuar nga motrat e tij. Është madje ky personazh që siguron këndvështrimin e filmit, transmeton ‘shtegu.com’.
“Ai gjithashtu pa një formë të rezistencës rreth kësaj. Të qenit pjesë e dokumentarit i dha atij një qëllim, një objektiv më vete. Që në takimin tim të parë me të, e dija që ai do ta përcaktonte filmin, se do t’i jepte lakimin e tij. Furkani është bërë fije e përbashkët. Ky film gjithashtu më mësoi se unë isha shumë autoritare dhe se është gjithmonë e mundur të përfshihem poezi në këtë lloj projekti. Në fillim, isha në një projekt më të trilluar. Atëherë kuptova që njerëzit nuk duhet të bënin shumë pyetje në lidhje me zhanrin e filmit, pa humbur nga aspekti poetik i tij”.
E lindur në Gjenevë, Dea Gjinovci jetoi dhe studioi atje deri në moshën 15-16 vjeçare. Pastaj ajo shkoi në Londër për të studiuar para se të zgjidhte Science Po në Paris. Për pesë vjet, ajo ka jetuar midis Gjenevës dhe kryeqytetit francez. “Por në shtator, unë do të kthehem në Gjenevë”, thotë ajo. Me kompaninë time të prodhimit, Astra Film. Kështu do të fillojë së shpejti projektin e saj të radhës.
LEXO EDHE: Filmi “Zgjoi” i Blerta Bashollit tashmë edhe në “Sydney Film Festival”
