ObserverKult ua sjellë disa thënie për fitore :
Mund të kesh fat një herë apo dy, por fitoret janë rezultat i punës./ Marcello Lippi
Sa më të vogla shanset, aq më e ëmbël fitorja./ Charles Bukowski
Aftësia për të buzëqeshur pas humbjes është fitorja përfundimtare./ Bertus Aafjes
Kush lufton mund të humbasë, por kush nuk lufton, ka humbur tashmë./ Ernesto Che Guevara
Më mirë të humbësh me parime se të fitosh me gënjeshtra./ Arthur Calwell
Politika s’është si filmat: në politikë, shpeshherë fitojnë të këqijtë./ Robert Altman
Pesimizmi s’ka fituar kurrë asnjë betejë./ Dwight Eisenhower
Disa beteja mund të duhet t’i luftosh disa herë për t’i fituar./ Margaret Thatcher
Kushdo që thotë “nuk ka rëndësi nëse humbet apo fiton”, me siguri ka humbur./ Martina Navratilova
Të fitosh do të thotë, të shkosh më larg, të punosh më fort, të japësh më shumë se çdokush tjetër./ Vince Lombardi
Luftëtari më i aftë është ai që arrin të fitojë nga humbja./ Hans Urs von Balthasar
Fitorja u përket atyre që durojnë një çerek ore më tepër./ Marcel Proust
Nuk fiton gruaja që të ndjek, as ajo që ikën: fiton ajo që pret./ Elias Canetti
Një zemër e dobët nuk e bën kurrë për vete një grua të bukur./ Miguel de Cervantes
E vetmja fitore në dashuri është arratia./ Napoleon Bonaparti
ObserverKult
