![](https://observerkult.com/wp-content/uploads/2024/06/fraaa-696x449.jpg)
Ekspozita “Kafka në koleksionet e Bibliotekës Kombëtare të Shqipërisë” u hap në Shqipëri. Në këtë ekspozitë përfshihen botime të Kafkës si romane, tregime, ditare, intervista dhe kujtime, kryesisht në gjuhën shqipe dhe gjermane.
I pranishëm ishte dhe Ambasadori i Republikës Çeke në Shqipëri, i cili tregoi emocionet që e lidhin me emrin e shkrimtarit të njohur botëror.
“Nëse kaloni në rrugët e Republikës Çeke gjeni shumë bare që e kanë emrin “Kafka”… Emri Franz nuk është emir tipik çek. Kush ishte Kafka në të vërtetë. Ai gjatë jetës së tij kishte problem me botën dhe tani ka bota problem me Kafkën, si të shprehet dhe të kuptohen veprat e tij…”- tha ambasadori i Republikës Çeke, Karel Urban.
Ndërsa Ambasadori i Austrisë në Shqipëri, u shpreh: “Më pëlqejnë shumë veprat e Franz Kafkës, gëzohem që shumë vepra të tij janë përkthyer në gjuhën shqipe”.
Gjithashtu të ftuara në këtë event ishin dhe përfaqësuese të shoqatave të “Franz Kafkës” nga Praga e Vjena, të cilat ndriçuan figurën e Kafkës duke e sjellë atë mes nesh.
“Proza e tij e shkruar jashtë orarit të punës ka ndikuar tek shumë autorë në mbarë botën. Ai u bë një nga shkrimtarët më të rëndësishëm të shekullit XX-të, ndoshta sepse ishte në gjendje të përshkruante parimet që vlejnë në mënyrë universale. Një djalë i butë, i ndjeshëm që jetoi në ëndrrat e tij dhe u përplas me një baba pragmatik”, pohoi Marketa Milosava, drejtoreshë e qendrës “Franz Kafka” në Pragë.
“ Kam jetuar në disa vite në Shkodër dhe për mua është kënaqësi që të kthehem për të folur për Kafkën, temën time më të dashur.”- tha Charlote Aigner, pjesë e kryesisë në Shoqatën Austriake Franz Kafka.
Kjo ekspozitë u hap në kuadër 100-vjetorit të ndarjes nga jeta të Franz Kafkës, shkrimtarit të madh hebre nga Praga, trashëgimia e pasur letrare e të cilit bën pjesë në thesarin e letërsisë botërore.
Pas viteve ’90 veprat e Kafkës u botuan dhe në Shqipëri. Për herë të parë lexuesit kishin në duar në vitin 1992 dy veprat e tij, Metamorfoza dhe Portat e Ligjit, pasuar me Amerikën, Tregime të zgjedhura Kështjella, Njeriu e Kafka, Procesi, Dialogu me Kafkën etj…/euronews.al
ObserverKult
Lexo edhe:
VISAR ZHITI: “NË EMERGJENCËN E LEXIMIT”, 3 LIBRA TË RINJ QË DO TË DOJA T’I LEXONIT…