Henry Gunther u vra pikërisht një minutë para duke i dhënë fund Luftës së Parë Botërore, më 11 nëntor 1918.
Henry Nicholas John Gunther ka lindur më 6 qershor 1895. U mobilizua në shtator 1917 në Baltimore dhe përfshihej në Regjimentin e 313-të. Atje ai punoi në logjistikë, kryesisht duke u kujdesur për uniformat e bashkëpunëtorëve të tij. Ai arriti në Francë në korrik 1918.
Një letër u zbulua kohë më parë në të cilën ai ankohej për kushtet në ushtri dhe ku këshillonte një mik që më të gjitha mjetet të shmangte rekrutimin. Kjo e çoi në humbjen e gradës së rreshterit. Njësia e tij në front arriti në 12 shtator 1918.
Në ditën e fundit të luftës, njësia e tij iu afrua gjermanëve fshatin Chaumont-devant-Damvillers. Gunther, për arsye të panjohura, u sul me bajonetë kundër urdhrave nga rreshteri.
Ushtarët gjermanë i dhanë sinjal që të tërhiqet, pikërisht nga fakti se armëpushimi ishte gati për të hyrë në fuqi, por Gunther vazhdoi me bajonetë ngrehur derisa një plumb e goditi dhe ai vdiq në vend.
Sipas një teorie, Gunther e ndërmori aktin e çmendur duke shkuar drejt një vdekjeje të sigurt e të panevojshme, pasi i mbeti peng humbja e gradës së rreshterit. Ndaj, si ushtar ai kërkoi me patjetër një fund me lavdi.
Ditën tjetër, General Pershing konkludoi se Gunther ishte amerikan i fundit që vdiq në luftë. Pas vdekjes, atij iu kthye grada e rreshterit, të cilën e humbi për shkak të letrës. Në vitin 1923, eshtrat e tij u kthyen në Shtetet e Bashkuara.
Së fundmi, hulumtimet kanë zbuluar se në ditën e fundit të luftës, 11 mijë njerëz u vranë ose u plagosën, e vlerësuar kjo si një shifër mjaft tronditëse.
Armëpushimi u nënshkrua në 5 të mëngjesit, por hyri në fuqi vetëm në orën 11.00, kur është dhe fundi zyrtar i luftës.
Një nga njerëzit e fundit që vdiqën në luftë është dhe ushtari kanadez George Lawrence Price, i cili u qëllua nga një snajper gjerman në orën 10 e 57 minuta dhe vdiq në 10:58, pra një minutë para vdekjes së Gunther. Ndërsa francezi i fundit i vdekur ishte Augustin Trebuchon, një ndërlidhës i cili e mori shërbimin gjysmë ore para paqes.
Dhe ushtari i fundit britanik i cili u vra pak para hyrjes në fundi të fundit të luftës, ishte George Edwin Ellison, i cili dhe frymën e fundi në orën 9.30 gjatë një patrullimi në tokën belge./(tesheshi)
