Po kërkoni të planifikoni një udhëtim të bukur këtë vit, por nuk po vendosni dot se ku të shkoni?
Ekspertët e “New York Times” kanë publikuar listën e tyre vjetore të 52 vendeve që duhet të vizitoni në vitin 2023.
Edicioni i këtij viti fokusohet te pyetja pse udhëtojmë, duke vënë theksin tek ushqimi, kultura, aventurat dhe bukuritë natyrore si katër prej elementëve kryesorë që na shtyjnë për të parë botën.
Si të tilla, vendet që ata kanë zgjedhur synojnë të ofrojnë disa ose të gjithë këto elemente – e ndoshta edhe më tepër.
Në mesin e 52 vendeve, media amerikane “New York Times” rendit edhe lumin Vjosa në Shqipëri për të cilin shkruan:
“Mbrojtja e Vjosës, një nga lumenjtë e fundit të Evropës që ka mbetur i pandërprerë nga digat, nuk ka qenë e lehtë.
Pas një dekade me projekte të propozuara që kërcënonin të ndryshonin rrjedhën natyrore të këtij lumi, ekosistemet e saj të panumërta dhe luginat e mbushura me komunitete të vjetra, qeveria shqiptare nënshkroi një angazhim në qershor të vitit të kaluar për të krijuar ‘Parkun Kombëtar të Lumit të Egër Vjosa’.
Realizimi i këtij premtimi, i cili planifikohet të bëhet realitet në vitin 2023, do të krijojë një model global për ruajtjen e pasurive natyrore, duke mbrojtur kështu 120 milje nga rruga ujore prej 169 miljesh plot me kanione, e cila buron nga malet e Pindit në Greqi dhe përshkon Shqipërinë deri në detin Adriatik, duke përfshirë edhe degët e saj prej rreth 60 miljesh.
Për udhëtarët, sidomos ata që do të përshkojnë Rrugën e Re të Çiklizmit të UNESCO-s në Shqipëri, e cila kalon përgjatë lumit dhe nëpër vende të Trashëgimisë Botërore, të tilla si qyteti i Gjirokastrës, mbrojtja e Vjosës dhe sistemit të saj lumor, me mbi 1,100 lloje kafshësh, inkurajon zbulimin e vendbanimeve alpine, ku vendasit mirëpresin aventurierët për t’u ofruar një kafe, raki (pije alkoolike vendase) dhe mundësinë për të shijuar kulturën ballkanike, e cila shpesh anashkalohet” (Alex Crevar).
Më poshtë është lista e plotë e vendeve që duhet të vizitoni në vitin 2023, sipas “New York Times”
Londër, Mbretëria e Bashkuar
Morioka, Japoni
Monument Valley Navajo Park Tribal, Arizona
Kilmartin Glen, Skoci
Auckland, Zelanda e Re
Palm Springs, Kaliforni
Ishulli Kangur, Australi
Lumi Vjosa, Shqipëri
Akra, Gana
Tromsø, Norvegji
Parku Kombëtar Lençóis Maranhenses, Brazil
Butani
Kerala, Indi
Greenville, Karolina e Jugut
Tucson, Arizona
Martinikë
Shkretëtira Namib, Afrika Jugore
Hekurudha e Alaskës
Fukuoka, Japoni
Flores, Indonezi
Guadalajara, Meksikë
Tassili n’Ajjer, Algjeri
Kakheti, Gjeorgji
Nîmes, Francë
Ha Giang, Vietnam
Salalah, Oman
Kuba
Odense, Danimarkë
Parku Kombëtar Uluru-Kata Tjuta, Australi
Boquete, Panama
Tarragona, Spanjë
Charleston, Karolina e Jugut
Cayos Cochinos, Honduras
Burgundy Beer Trail, Francë
Stamboll, Turqi
Taipei, Tajvan
El Poblado, Medellín, Kolumbi
Lozanë, Zvicër
Methana, Greqi
Louisville, Kentaki
Manaus, Brazil
Vilnius, Lituani
Macon, Gjeorgji
Madrid, Spanjë
Grand Junction, Kolorado
La Guajira, Kolumbi
Bergamo dhe Brescia, Itali
American Prairie, Montana
Qytetet Lindore, Quebec
New Haven, Konektikat
The Black Hills, Dakota e Jugut
Sarajevë, Bosnjë dhe Hercegovinë/argjirolajm.net
ObserverKult
Lexo edhe:
LEONARDO DICAPRIO REAGON SËRISH PËR MBROJTJEN E LUMIT VJOSA
Aktori me famë botërore, Leonardo DiCaprio, sërish i ka dalë në ndihmë iniciativës për të mbrojtur lumin Vjosa në Shqipëri.
DiCaprio i është bashkuar nismës për t’i thënë stop ndërtimit të HEC-eve, rrezikimit të ujit dhe biodiversitetit në zonat përreth këtij lumi.
Tekstin e plotë mund ta lexoni KËTU:
ObserverKult
