Gentian Zenelaj është një nga personazhet më të dashur të ekranit shqiptar. Ai është një artist i përmbushur në shumë dimensione.
I ftuar në “ABC e Mëngjesit”, Genti tregoi se mes filmit dhe teatrit, zgjedh gjithmonë këtë të fundit. Madje, deklaroi se për të gjithë filmat që ka luajtur është penduar, pasi në Shqipëri nuk investohet për aktorin.
“Genti është në televizion çdo ditë të vitit, pastaj është edhe në teatër. Nuk i kuptoj dot kolegët e mi që kanë hequr dorë nga teatri dhe pse ka shumë vështirësi. Sepse teatri është një profesion që më shumë jep se merr, si për shembull alpinistët që duhet të blejnë litarët.
Unë nuk e kam shumë qejf filmin, nëse do të më jepej në tavolinë mes filmit dhe teatrit do zgjidhja teatër. Për të gjitha filmat janë penduar si ai tatuazhi që i bën”, u shpreh Zenelaj./tirananews.al
_ _ _ _ _ _ _ _ _ _ _ _ _ _ _ _ _ _ _
Lexo edhe:
“BESA”, RRËFEHET AKTORI SHQIPTAR: PSE PRANOVA TË BËHEM PJESË E KËTIJ SERIALI
Aktori shqiptar nga Kosova, Arben Bajraktaraj foli për serialin “Besa”, që ka bërë bashkë aktorë ndërkombëtarë. Seriali mblodhi më shumë se 200 aktorë nga i gjithë territori i ish-Jugosllavisë, si dhe aktorë nga Shqipëria, Mbretëria e Bashkuar dhe Franca. Në një lidhje me Skype për emisionin “Abc-ja e mëngjesit”, Bajraktaraj tregoi se përse pranoi të bëhej pjesë e këtij seriali.
“Kemi punuar të kalojmë perceptimet klisheiste që një shoqëri mund të ketë për një tjetër, është krijuar një seri që ka një dimension shumë shtresor, që hapet shumë më shumë sesa në dukje. Duhen shikuar 22 episodet, ndodhin shumë gjëra dhe jam shumë i lumtur që kam pranuar këtë sfidë sepse nuk ishte e lehtë por besoj se i kemi tejkaluar të gjitha.
Nuk ka bërë asnjë provokim, është fjala për të marrë një vlerë të jashtëzakonshme që ekziston në hapësirën shqiptare. Në Ballkan, ideja e besës është dukur më intriguesja. Këtu është pikënisja e idesë së tyre. Pastaj se çfarë ndodh më tej është një zhvillim i jashtëzakonshëm dramaturgjik.”, tha ai.
Më tej, ai shtoi se në fillim nuk kishte dashur të bëhej pjesë e këtij seriali. “Jo vetëm që kam pasur rezervë por fillimisht nuk kam dashur ta bëj. Kemi pasur një marrëveshje shumë, ka qenë producentja që më ka bindur, jo vetëm mua por dhe shumë të tjerë. Kemi bërë ndërhyrje të mëdha në sezonin e parë. Pikërisht për t’ju ikur perceptimeve dhe stereotipeve, por edhe…
Shkrimin e plotë e gjeni KËTU.
ObserverKult
