George Tames, i lindur në Washington D.C, ishte pinjoll i një familjeje emigrantësh të brezit të parë të shqiptarëve në ShBA, që në fillim as anglisht nuk fliste mirë dhe nuk mund të niste shkollën, por më vonë u bë fotograf dhe punoi për 10 presidentët amerikanë që nga Rusvelti e deri te Bushi.
Për shkak të kushteve të rënda të jetesës që kishte ai braktisi shkollën e mesme, dhe filloi të punonte me babanë e tij.
Karriera e tij si fotograf filloi në vitin 1940 me fotografët e “Capitol Hill”, duke fotografuar persona të ndryshëm, por angazhimi dhe talenti i madh që kishte me realizimin e fotografive bëri që ai shumë shpejtë të jetë ndër fotografët më të kërkuar në Amerikë, transmeton ‘tirananews.al’.
Kështu, George Tames me syrin e tij artistik u fut në Shtëpinë e Bardhë, dhe nga aty u bë fotograf personal i 10 presidentëve të ardhur aty, duke u veçuar për stilin e veçantë në nxjerrjen e një fotografie.
Për herë të parë ai e fotografoi Rusveltin më 1941 gjatë paradës së tij inauguruese dhe për të fundit herë kur arkivoli i tij kthehej në Washington nga Georgia, në prill të vitit 1945. Kishte filluar kësisoj për George Tames pa e menduar “maratona” 50-vjeçare e fotografimit të 10 presidentëve rresht, një rekord Guinnes dhe destinacion i pamundur për asnjë prej fotografëve të tjerë të integruar në Shtëpinë e Bardhë.
