Dhjetëra punime shkencore janë përmbledhur në tre vëllimet e numrit 49 të revistës “Gjurmime Albanologjike” të botuar nga Instituti Albanologjik i Prishtinës.
Studime nga sesioni i Filologjisë, Historisë dhe Etnologjisë janë pasqyruar në numrin e ri të revistës. Në të janë përfshirë edhe studime të bashkëpunëtorëve të jashtëm.
Drejtori i Institutit Albanologjik, Hysen Matoshi, thotë se këto hulumtime janë literaturë e rëndësishme.
Vëllimin më të ri të revistës “Gjurmimet Albanologjike”, dega e Historisë ua ka kushtuar hulumtimeve të Zekeria Canës, transmeton ‘koha.net’.
Folklori dhe Etnologjia këtë herë janë fokusuar në analizat që kanë të bëjnë me ritet dhe mitet e kulturës shqiptare.
Revista “Gjurmime albanologjike” është botim me traditë gati pesëdekadëshe.
