1.
Kosovari flet për televizion
matanë kufinit që dekën
e hjekën ndanë më 1999
trèmun nga ai çasti
kur trupi s’mun ma
e shpirti don me dalë…
Letërsia s’ka çka lypë këtu
dhimta njerëzore âsht
e vetmjaftueshme
personazhi i mujtun në luftë
nuk ekziston si fakt
âsht entitet jasht historie
2.
drejtësinë ndanë
ma i forti
njeriu anonim
merr barrën e vuejtjës
së të gjithë shpirtnavet
e ngarkon në tela t’zânit
tue u dridhun
si martirët në nji ikonë
në kishen e djegun
ia tejçon botës lajmës memec
me ditë pa ngranë
me net pa hanë…
me shpirtë nër dhamb
para armës
së nji anmiku t’egër
niset për askund
sa me na dëshmue
si ndihet njeri i mujtun
atyne u âsht marrë qenia
janë veç nji zguer
që mbanë organe
vjen nga fellsia e ashtit t’brive t’Adamit
nuk âsht Marathonomak
tek sjell lajmin madhështor
të fitores
âsht masa e dyfisht e atyne
që n’fushëbetejë mbetën vramë
sjell nemitje për hatanë
ai nuk zvarritët as s’vjen hipun mbi kalë
kur trupi s’mun ma
e shpirti don me dalë…
3.
si krane krisin eshnat
dojke me thânë Apokalipsin
e botës së tij
u mshefa në njat pamje
qava dhe u njeva njeri
4.
Ahti i njeriut t’mujtun
Perandoritë i ka zanë!
Ahti i tij…
prandej, zorin ia di
due me e shpërbly
me harresë
ne desim tue harrue
ia di
due me e shpërbly
me harresë
ne desim tue harrue
ObserverKult
Lexo edhe:
