Një dhomë e fshehur prej kohësh në Muzeun “Cappelle Medicee” në Firence, ku Mikelanxhelo thuhet se është fshehur në vitin 1530 do të hapet së shpejti për publikun.
Muret e kësaj dhome janë vizatuar nga mjeshtri italian i Rilindjes kur ai po përpiqej t’i shmangej dënimit me vdekje të urdhëruar nga Papa Klementi VII në mes të mosmarrëveshjeve të tij me familjen e fuqishme Medici të cilët ishin për pjesën më të madhe të jetës së tij sundimtarët e qytetit të tij të lindjes, Firence.
Ekzistenca e vizatimeve me qymyr dhe shkumës mbeti e panjohur deri në vitin 1975 kur Paolo Dal Poggetto, atëherë drejtori i një nga pesë muzeve që përbën Muzeun Bargello, po kërkonte një hapësirë të përshtatshme për të krijuar një dalje të re për muzeun.
Ai gjeti një derë kurth nën një garderobë që të çonte në dhomën 10 metra të gjatë dhe tre metra të gjerë.
Deri më tani, dhoma, e cila do të hapet për publikun më 15 nëntor, ishte kryesisht e aksesueshme vetëm për studiuesit e artit.
“Edhe pse kam qenë në dhomë kaq shumë herë, unë jam ende e mahnitur nga këto vizatime magjepsëse ,” shprehet Paola D’Agostino, drejtoresha e Muzeut Kombëtar Bargello që shpreson që “dhoma sekrete” të tërheqë sa më shumë vizitorë./ Klan News
ObserverKult
Lexo edhe:
PSE DAVIDI I MIKELANXHELOS ËSHTË KAQ I FAMSHËM?
Davidi është realizimi më perfekt i Mikelanxhelos dhe statuja më e famshme në botën e artit. Si një nga kryeveprat më të mëdha që njerëzimi ka krijuar, tërheq çdo vit miliona vizitorë. Është simboli i Firences dhe Rilindjes italiane.
Le të ndalojmë tek disa fakte interesante rreth tij.
-Statuja është 5.17 metra e gjatë. Peshon rreth 9 tonë dhe paraqet aktin sublim të heroit biblik, Davidit, i cili mposht Golian në përballjen mes Filistinëve dhe Izraelitëve.
Tekstin e plotë mund ta lexoni KËTU:
CIKËL POETIK NGA POETJA LAUREATE, LULJETA LLESHANAKU: MËSIMET E PARA TË MORALIT, I MORA PA I PËRTYPUR SI SHURUP PËR KOLLË
Ju ftojmë të lexoni një cikël të zgjedhur poezish të Luljeta Lleshanakut e cila sot u shpall Poete Laureate e Shqipërisë.
MESHKUJ
Qenia njerëzore është si një gjuhë e vdekur;
prej saj mbetet vetëm një shprehje, citim, apo një fjalë e vetme.
Por një baba pa djem është mutacion.
Emri i tij do qarkullojë nga njëri vesh në tjetrin, përmes një fryme të pastër femërore
i artikuluar si një ëndërr pa konflikt
e vështirë për t’u mbajtur mend të nesërmen.
Gjashtë vajza: secila prej lindjeve qe një dështim
si tregtari i arit
që kthehet në shtëpi vetëm me mëndafsh dhe çajëra kurativë.
Pa një djalë në familje, pa një lumë për të derdhur mbeturinat toksike
të zemërimit të tij bardhë e zi,
Pa dikë për të parashikuar dimrat në skeletin e kafshëve të shtëpisë
pas darke
luftërat, lindjet, vdekjet
kur jeta dembeloset në paqe.
Poezitë e tjera mund ti lexoni KËTU:
ObserverKult
